Футбол бўйича Ўзбекистон Суперлигасининг 2-турида «Локомотив» ва «Навбаҳор» жамоалари 14 март, якшанба куни ўзаро тўқнаш келди.
Учрашув дебютида ҳакам видеотакрорларга мурожаат қилиб, мезбонлар дарвозаси томон пенальти белгилади. 11 метрлик жарима зарбасини Азим Аҳмедов голга айлантирди. 36-дақиқада «темир йўлчилар» пенальти тепиш имкониятига эга бўлди ва ундан Ғуломҳайдар Ғуломов унумли фойдаланди. Бу вазиятда ҳам жарима зарбаси VAR’дан кейин белгиланганди.
Иккинчи бўлимнинг иккинчи ярмида ҳам ҳакам учинчи бор видеотакрорлардан кейин 11 метрлик нуқтани кўрсатди. Бироқ Аҳмедов бу сафар имкониятдан унумли фойдалана олмади. Орадан кўп ўтмай, 76-дақиқада «Навбаҳор»нинг комбинациясини Эҳсони Паншанбе муваффақиятли якунлади.
Шу тариқа «Навбаҳор» Виктор Жалилов қўл остидаги дастлабки ўйинни ғалаба билан якунлади. «Локомотив» эса кетма-кет иккинчи мағлубиятни қабул қилиб олди.
«Локомотив» — «Навбаҳор» учрашувидаги голлар видеосини бу ерда томоша қилиш мумкин — видео.
Суперлига
2-тур баҳси
14 март, якшанба
«Локомотив» — «Навбаҳор» 1:2
Голлар: 0:1 – 13, пенальти Аҳмедов, 1:1 – 36, пенальти Ғуломов, 1:2 – 76 Паншанбе.«Локомотив»: 35.Жавоҳир Илёсов 3.Ислом Қобилов, 4.Дилшодбек Комилов, 7.Садриддин Абдуллаев (27.Ислом Рашидхонов, 74), 8.Жавоҳир Сидиқов, 11.Темурхўжа Абдухолиқов (10.Марат Бикмаев, 63), 17.Санжар Қодирқулов, 21.Ғуломҳайдар Ғуломов 22.Диего Барданка, 28.Шуҳрат Муҳаммадиев, 77.Диёр Туропов (14.Азизбек Омонов, 63).
«Навбаҳор»: 1.Ўткир Юсупов, 7.Азимжон Аҳмедов, 9.Иван Соловёв, 10.Қувондиқ Рўзиев, 11.Исломбек Исоқжонов (70.Аббос Ғуломов, 85), 18.Баҳром Абдураҳимов (17.Эҳсони Паншанбе, 63), 19.Мирзоҳид Ғофуров, 22.Игор Голбан, 24.Даврон Ҳошимов, 25.Шоҳрух Маҳмудҳожиев (88.Славиша Стоянович, 67), 67.Марко Путинчанин.
Огоҳлантиришлар: Туропов (13), Ҳошимов (35), Қодирқулов (42), Ғуломов (51).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)