Radioboshlovchi Jessika Shou Twitter ijtimoiy tarmog‘ida onasiga shifokor buyurgan g‘ayrioddiy retsept surati bilan bo‘lishdi. Uning posti ko‘plab internet foydalanuvchilarini to‘lqinlantirib yubordi, deb yozadi Insider. Izohlarda foydalanuvchilar ko‘z yoshlarini tiya olmaganini ma’lum qilgan.
Xabar berilishicha, koronavirus tufayli Shouning onasi so‘nggi bir yil ichida hatto oila a’zolari bilan ham ikki metr masofa saqlagan. Ikkinchi emlashdan keyin ham ayol ushbu qoidaga amal qilishda davom etgan. So‘ngra shifokor unga qanday yordam berishni tushunib yetgan. U bemoriga bergan retseptda shunday deyilgan: “Sizga nabirangizni quchoqlashga ruxsat beriladi”.
Shuningdek, Shou bir yildan buyon birinchi marta onasi sevimli insonlarini qanday quchoqlagani aks etgan videoni ham joylashtirgan. “Buni uddalagan barcha olim va shifokorlarga rahmat!”, — deydi radioboshlovchi.
Mavzuga doir:
- Shotlandiyalik ayol suyak saratoni kasalligini yengib, go‘zallik malikasiga aylandi
- Britaniyada 60 yildan ortiq birga yashagan chol-kampir pandemiya sabab bir yillik ayriliqdan so‘ng uchrashdi
- Tayvanlik chol-kampir internetda mashhurlikka erishdi. Ular o‘zlarining kirxonasida qoldirib ketilgan kiyimlar bilan suratga tushadi
- Britaniyada sog‘lig‘i sabab pensiyaga chiqmoqchi bo‘lgan 80 yoshli gazeta tarqatuvchiga elektrovelosiped sovg‘a qilindi. Endi u o‘zining sevimli ishini davom ettira oladi
Izoh (0)