Mett Karsten ismli travel-bloger rafiqasi Anna bilan Antarktida yaqinida Jerlasha bo‘g‘ozida amalga oshirgan sayohati davomida bir nechta kosatkaning pingvin ortidan quvayotganini videoga olishga muvaffaq bo‘ldi, deb yozadi The Daily Mail.
Avvaliga kosatkalar turistlar qayig‘i atrofini o‘rab olgan va hatto blogerlar tomonidan suv ostiga o‘rnatilgan kameraga ham qaragan. Biroq keyin yirtqichlar e’tiborini yolg‘iz pingvin tortgan. Kosatkalar uzoq vaqt — pingvin qayiq ichiga sakramaguncha ta’qib etgan. Buni esa amalga oshirish oson kechmagan: birinchi urinishda pingvin bortga urilib, suvga tushib ketgan. Turistlardan biri qo‘li bilan pingvinga yordam bergan.
Karstenning so‘zlariga ko‘ra, odamlar pingvinni qutqargach, kosatkalar qayiqni ta’qib eta boshlagan. “Oxir-oqibat ular taslim bo‘ldi, pingvin yangi do‘stlari bilan xavfsizlikda qoldi”, — deydi bloger. Pingvin yana bir muncha vaqtda qutqaruvchilar bilan qolgan, xavfsizlikda ekanligini tushungach, qayiqdan sakrab suzib ketgan.
Mavzuga doir: Kam uchraydigan sariq pingvin ilk marta belgiyalik fotograf tomonidan suratga olindi (foto)
Izoh (0)