Радиобошловчи Жессика Шоу Twitter ижтимоий тармоғида онасига шифокор буюрган ғайриоддий рецепт сурати билан бўлишди. Унинг пости кўплаб интернет фойдаланувчиларини тўлқинлантириб юборди, деб ёзади Insider. Изоҳларда фойдаланувчилар кўз ёшларини тия олмаганини маълум қилган.
Хабар берилишича, коронавирус туфайли Шоунинг онаси сўнгги бир йил ичида ҳатто оила аъзолари билан ҳам икки метр масофа сақлаган. Иккинчи эмлашдан кейин ҳам аёл ушбу қоидага амал қилишда давом этган. Сўнгра шифокор унга қандай ёрдам беришни тушуниб етган. У беморига берган рецептда шундай дейилган: «Сизга набирангизни қучоқлашга рухсат берилади».
Шунингдек, Шоу бир йилдан буён биринчи марта онаси севимли инсонларини қандай қучоқлагани акс этган видеони ҳам жойлаштирган. «Буни уддалаган барча олим ва шифокорларга раҳмат!», — дейди радиобошловчи.
Мавзуга доир:
- Шотландиялик аёл суяк саратони касаллигини енгиб, гўзаллик маликасига айланди
- Британияда 60 йилдан ортиқ бирга яшаган чол-кампир пандемия сабаб бир йиллик айрилиқдан сўнг учрашди
- Тайванлик чол-кампир интернетда машҳурликка эришди. Улар ўзларининг кирхонасида қолдириб кетилган кийимлар билан суратга тушади
- Британияда соғлиғи сабаб пенсияга чиқмоқчи бўлган 80 ёшли газета тарқатувчига электровелосипед совға қилинди. Энди у ўзининг севимли ишини давом эттира олади
Изоҳ (0)