Boliviyaning sobiq adliya vaziri Alvaro Koimbra va sobiq energetika vaziri Rodrigo Gusman 13-mart kuni, prokuraturaning fikriga ko‘ra, 2019-yilning noyabr oyida amalga oshirilgan davlat to‘ntarishi bo‘yicha tergovning bir qismi sifatida hibsga olindi. Bu haqda Agencia Boliviano de Information nashriga tayanib, “TASS” xabar berdi.
Sobiq amaldorlarga terrorizm, isyonga da’vat qilish va fitna ayblovlari qo‘yilgan.
Avvalroq prokuratura yana uchta sobiq vazir va 2019-yil noyabr oyida davlat rahbari Evo Moralesning iste’fosidan keyin prezident vazifasini bajaruvchi sifatida ishlagan Janin Anyesni hibsga olishga buyruq bergan edi. “Siyosiy ta’qiblar boshlandi”, — deb yozgan Anyes Twitter sahifasida prokurorning qaroriga izoh berib.
Boliviyada 2019-yilning 20-oktabr kuni prezidentlik saylovlari bo‘lib o‘tgan. Oliy saylov sudining ma’lumotlariga ko‘ra, o‘sha paytda amaldagi davlat rahbari Morales ko‘pchilik ovoz bilan g‘olib bo‘lgan. Uning asosiy raqibi Karlos Mesa birinchi davrada raqibining g‘alabasini tan olmasligini ta’kidlagan.
Uch hafta davom etgan norozilik namoyishlaridan so‘ng Boliviya qurolli kuchlari rasmiylari Moralesdan iste’foga chiqishini so‘radi va u vaziyatni davlat to‘ntarishi deb baholagan holda lavozimini tark etdi va mamlakatdan chiqib ketdi.
Ma’lumot uchun, Boliviya prokuraturasi sobiq prezident Evo Moralesga rasmiy ravishda terrorizmda ayblagan edi. Prokuratura ma’lumotlariga ko‘ra, sobiq prezident 2019-yil noyabr oyidagi norozilik namoyishlari paytida oziq-ovqat blokadasi va shaharlarni qamal qilgan. Prokuratura sobiq prezidentga tegishli telefon suhbatining yozuvini e’lon qildi va uni haqiqiyligiga kafolat berdi.
Senatorlar palatasi spikerining ikkinchi o‘rinbosari, muxolifat vakili Janin Anyes yangi saylovlar o‘tkazilgunga qadar vaqtincha prezidentlik vazifasini boshqarishini e’lon qildi va o‘zining yangi Vazirlar Mahkamasini tashkil qildi.
2020-yilning oktabr oyida qayta saylov o‘tkazildi, natijalarga ko‘ra, Moralesning sherigi Luis Arse prezident etib saylandi.
Izoh (0)