Senator-demokrat Janun Anyes Boliviyada prezident vazifasini bajaradi

Senator-demokrat Janin Anyes 12-noyabr kuni Boliviya prezidenti vakolatlarini bajarishni o‘z zimmasiga oldi. Bu haqda “Interfaks” xabar berdi.

“Men konstitutsiyaga muvofiq zudlik bilan davlat rahbarining majburiyatlarini o‘z zimmamga olaman”, − deya ta’kidlagan Anyes Boliviya parlamentida so‘zlagan nutqida.

Shuningdek, siyosatchi ayol mamlakatda iloji boricha tezroq saylovlar o‘tkazishga kirishishini ma’lum qildi.

10-noyabrda 2006-yildan beri Boliviya prezidenti bo‘lgan Evo Morales davlat to‘ntarishi amalga oshirilgani, armiya va muxolifatning bosimi tufayli iste’foga chiqqanini e’lon qildi. Moralesdan keyin vitse-prezident Garsiya Liner va mamlakatning boshqa oliy rahbarlari ham iste’fo berdi. Meksika tashqi ishlar vaziri Marselo Ebrard mamlakat Boliviya sobiq prezidenti Evo Moralesga poytaxt La-Pasdagi elchixonasida boshpana berishga tayyor ekanligini ma’lum qildi. Boliviya sobiq prezidenti esa Evo Morales Moskva bilan aloqaga chiqmagan va Rossiyadan boshpana so‘ramaganligini bildirdi. 10-noyabrda muxolifat, politsiya va mamlakat armiyasi bosimi ostida iste’foga chiqqan Boliviya prezidenti Evo Morales maxsus samolyotda mamlakatni tark etgan va Meksikaga yo‘l olgan.

Boliviya konstitutsiyasiga ko‘ra, prezident va vitse-prezident iste’fosidan keyin davlatni senatorlar palatasi yetakchisi boshqarishi mumkin. Agar u ham lavozimini tark etsa, deputatlar palatasi raisi mamlakatda rahbar bo‘ladi.