Toshkent viloyatida Davlat bojxona qo‘mitasi boshqarmasi tomonida o‘tkazilgan tezkor tadbirda “Tropikamid”ning noqonuniy aylanmasiga chek qo‘yildi. Bu haqda qo‘mita matbuot xizmati xabar berdi.
Toshkent viloyati bojxona boshqarmasi Kontrabandaga qarshi kurashish va bojxona auditi bo‘limi xodimlari tomonidan Toshkent viloyati Ohangaron tumani hududida tezkor tadbir o‘tkazildi.
Tadbir davomida Ohangaron tumanida fuqaro B.A. boshqaruvidagi Lacetti rusumli avtotransport vositasi to‘xtatilib, o‘rnatilgan tartibda ko‘zdan kechirilgan. Natijada avtomashinada tegishli hujjatlari bo‘lmagan, xorijda ishlab chiqarilgan umumiy qiymati 108 million so‘mlik jami 900 dona “Tropikamid” dori vositalari borligi aniqlangan.
Hozirda yuqoridagi holat yuzasidan bojxona organlari tomonidan surishtiruv harakatlari davom ettirilmoqda.
Avvalroq Toshkent viloyatida dori vositalarini jami 34 ming dollarga noqonuniy ravishda sotayotgan shaxslar aniqlangani to‘g‘risida xabar berilgandi.
Mavzuga doir: Andijonda salkam 1,3 mlrd so‘mlik dori vositalari va tibbiy buyumlarning noqonuniy saqlanayotgani aniqlandi
Izoh (0)