Тошкент вилоятида Давлат божхона қўмитаси бошқармаси томонида ўтказилган тезкор тадбирда «Тропикамид»нинг ноқонуний айланмасига чек қўйилди. Бу ҳақда қўмита матбуот хизмати хабар берди.
Тошкент вилояти божхона бошқармаси Контрабандага қарши курашиш ва божхона аудити бўлими ходимлари томонидан Тошкент вилояти Оҳангарон тумани ҳудудида тезкор тадбир ўтказилди.
Тадбир давомида Оҳангарон туманида фуқаро Б.А. бошқарувидаги Lacetti русумли автотранспорт воситаси тўхтатилиб, ўрнатилган тартибда кўздан кечирилган. Натижада автомашинада тегишли ҳужжатлари бўлмаган, хорижда ишлаб чиқарилган умумий қиймати 108 миллион сўмлик жами 900 дона «Тропикамид» дори воситалари борлиги аниқланган.
Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.
Аввалроқ Тошкент вилоятида дори воситаларини жами 34 минг долларга ноқонуний равишда сотаётган шахслар аниқлангани тўғрисида хабар берилганди.
Мавзуга доир: Андижонда салкам 1,3 млрд сўмлик дори воситалари ва тиббий буюмларнинг ноқонуний сақланаётгани аниқланди
Изоҳ (0)