Шифокор от, сунъий музликлар, велопойгадаги ғирромлик: 2020 йилнинг энг муҳим воқеалари — фотосуратларда
World Press Photo фотомухбирлари учун ўтказилган энг йирик халқаро танловнинг ҳакамлар ҳайъати 2020 йилнинг энг муҳим воқеаларини суратга олишга муваффақ бўлган финалчиларни аниқлади. «Известия» нашри ғолибликка даъвогарларнинг асарларидан иборат фотожамланмани тақдим этди.
Азат Геворкян ва унинг рафиқаси уйи билан хайрлашмоқда. Тоғли Қорабоғдаги сўнгги қуролли тўқнашув пайтида улар уйини тарк этишга мажбур бўлган, чунки уруш натижасида ҳудуднинг бир қисми Озарбайжонга ўтган.Фото: World Press Photo 2021
Бразилиянинг Сан-Паулу шаҳридаги қариялар уйида 85 ёшли Роза Лузия ҳамширани қучоқламоқда. Бу Розанинг 5 ойлик изоляциядан кейинги илк учрашуви. 2020 йилнинг март ойида пандемия бошланиши билан мамлакат бўйлаб қариялар уйлари ташриф буюрувчилар учун ўз эшикларини ёпди ва миллионлаб бразилияликлар кекса қариндошларини зиёрат қилишдан маҳрум бўлди.Фото: World Press Photo 2021
Кениянинг Арчерс Пост посёлкаси раҳбари Генри Ленаяса Шарқий Африка бўйлаб яйловларни вайрон қилган чўл чигирткалари тўдасини ҳайдашга уринмоқда. Зараркунандаларнинг тарқалиш даражаси сўнгги 70 йил ичида энг чўққига чиқди, бу эса пандемия билан бирга Африка мамлакатларидаги озиқ-овқат инқирозини ўта кескинлаштирди.Фото: World Press Photo 2021
Байрутдаги портлашда тирик қолган эркак. Август ойида юз берган портлаш оқибатида шаҳарнинг ярмига зарар етиб, 6 мингга яқин бино вайрон бўлган, камида 190 киши ҳалок бўлган, яна 6 минг киши яраланган ва 300 минг киши эвакуация қилинган.Фото: World Press Photo 2021
Flint Jaguars баскетбол жамоаси Флинт шаҳрининг омон қолишига катта ҳисса қўшиб келмоқда. Американинг Флинт шаҳри автосаноат, соғлиқни сақлаш ва шаҳар сув таъминотидаги инқироз туфайли юзага келган оммавий миграцияни тўхтатишга ҳаракат қилмоқда. Баскетбол маҳаллий маданиятнинг ажралмас қисми ҳисобланади; бир вақтлар бу шаҳарда ўнлаб спорт юлдузлари тарбияланган. 2017 йилда Flint Jaguars шаҳарда қолган сўнгги иккита баскетбол мактаби жамоаларини бирлаштирди.Фото: World Press Photo 2021
Тоғли Қорабоғдаги Карегах қишлоғида яшовчи эркак ўз уйини абадий тарк этишидан олдин уйни ёқиб юборди.Фото: World Press Photo 2021
Саратонга чалинган 24 ёшли Манон ўғли Этан ва Пейо лақабли от билан. Франциянинг Калей шаҳридаги хосписда Пейо беморларга стрессни камайтириш, оғриқни енгиллаштириш ва уларнинг жисмоний ҳолатини яхшилашга ёрдам беради. Пейо ҳар ойда тахминан ўнлаб беморларга хизмат қилади.Фото: World Press Photo 2021
ИШИД жангариларининг 2014 йилги ҳужумларидан сўнг Ироқда минглаб езидлар бедарак йўқолган. Босқинчилар маҳаллий аҳолини қулликка тортган, одам бошига 50 доллардан бериб сотиб олган ёки шунчага сотган. Ҳудуд жангарилардан озод қилингандан сўнг 3,5 мингга яқин қуллар асирликдан озод қилинган.Фото: World Press Photo 2021
Ҳиндистон фуқаролиги тўғрисидаги янги қонунни қабул қилиниши натижасида юзага келган қирғинлардан кейин Деҳлидаги квартиралардан бирининг кўриниши. Қонунга бўйсунмаган ҳиндистонлик мусулмонлар норозилик намойишлари уюштирди. Буларнинг барчаси шиддатли тўқнашувларга ва ўнлаб қурбонлар билан мусулмонлар қирғинига олиб келди.Фото: World Press Photo 2021
«Сахавуд» — Россия ҳудудига кирувчи Саха республикасидаги кино саноатининг маркази. 1990 йиллардан бери бу ерда фильмлар ишлаб чиқариш муваффақиятли ривожланиб келмоқда, улар орасида романтик комедиялардан тортиб, маҳаллий афсоналар асосида эртаклар ва фантазия жанридаги кинолар ҳам бор. Аксарият актёрлар бу соҳада дипломга эга эмас, аммо маҳаллий кинорежиссёрлар меҳнатининг самараси минтақада жуда машҳур. Сўнгги йилларда Саха кинотеатри халқаро миқёсда ривожланиб, кўплаб мукофотларга сазовор бўлди.Фото: Global Look Press
Ҳиндистон шимолидаги Ладах ҳудудининг аксарият қишлоқлари глобал исиш ва музликларнинг ортга чекиниши сабабли сув танқислигига дуч келмоқда. Муаммо айниқса баҳорда — экин экиш даврида кескинлашади. Маҳаллий муҳандис Сонам Вангчак Будда ҳайкалчалари шаклидаги сунъий музликлар қуриш йўлини ўйлаб топди. Музликлар қишда тайёрланади, ерости қувурлари орқали тоғлардан эриган сув бир жойга тўкилади. Охирги қисм вертикал равишда жойлаштирилади, натижада юқори босим остида сув фаввора билан отила бошлайди ва музлайди. Баҳорда муз эрий бошлайди ва ерга намлик тушади. 2020 йилда бундай иншоотлар 26 та қишлоқда пайдо бўлди, ҳозирда яна 50 та қишлоқда қурилиш ишлари олиб борилмоқда.Фото: World Press Photo 2021
Пандемия туфайли Швейцария Иккинчи жаҳон урушидан бери биринчи марта ўз чегараларини ёпди. Ўнлаб йиллар давомида чегара ҳудудлари аҳолиси қўшни мамлакатлар ўртасида эркин ҳаракатланган. 2020 йилда улар яқинлари билан қай тарзда кўришиш йўлларини излаб топишга тўғри келади.Фото: World Press Photo 2021
Пандемия авжига чиқиб, барча чегаралар ёпилган пайтда Сурия, Ироқ ва Афғонистондан келган ўн минглаб қочқинлар Юнонистоннинг Самос ва Лесвос оролларини макон қилди. Натижада маҳаллий аҳоли вақтинчалик лагерларни ўз уйлари атрофига жойлаштирилишига қаршилик қилиб, муҳожирлар эса ҳудудга киришни талаб қилиб кўплаб норозилик намойишлар ўтказди. Фото: World Press Photo 2021
Жирафанинг энг ноёб ва баланд бўйли тури бўлган РотшильдRotshild жирафаси. Кучли ёмғирлар туфайли Кениянинг тошқин остида қолган Лонгичаро оролидаги жирафалар махсус қурилган кемада хавфсиз ҳудудга ташилган. Ҳайвонларни озиқ-овқат билан овлашнинг иложи йўқ эди — ёғингарчилик туфайли оролда ўсимликлар кўп бўлган учун улар яхши овқатланган. Натижада транквилизаторлардан фойдаланишга тўғри келган, бу жирафалар учун жуда хавфли бўлиши мумкин, чунки улар ўзларининг тупурикларидан бўғилиб, қон босимининг ўзгариши туфайли мияси зарарланиши мумкин. Шу сабабли, ташиш давомида ветеринар врач жирафалар ёнида навбатчилик қилган.Фото: World Press Photo 2021
2020 йил январь ойида юз берган Филиппиндаги Тааль вулқонининг отилиши оқибатида деярли 750 минг киши азият чекди. Табиий офатнинг мамлакатга етказган зарари тахминан 70 миллион долларга баҳоланмоқда.Фото: World Press Photo 2021
Small Armys Survey тадқиқотларига кўра, дунёдаги барча шахсий қуролларнинг ярми АҚШдаги оддий фуқароларнинг қўлида тўпланган. Мамлакатнинг 328 миллион аҳолисида 393 миллион қурол бор. Қуролга эгалик 1791 йилда қабул қилинган ва ҳанузгача тортишувларга сабаб бўлаётган АҚШ Конституциясига киритилган иккинчи тузатиш билан кафолатланади. Айни пайтда Қўшма Штатлар оммавий отишмалар бўйича дунёда етакчи ўринни эгаллаб турибди, фақатгина 2020 йилнинг ўзида отишмаларнинг 633 таси содир этилган.Фото: World Press Photo 2021
Jumbo-Visma жамоасининг нидерландиялик велосипедчиси, «Польша тури»нинг биринчи босқичида етакчи бўлган Дилан Груневеген қоидаларни бузди ва велопойгачи Фабио Якобсенни тўсиққа сиқиб қўйди. Рақиб 80 км / соат тезликда панжара устидан учиб ўтди ва ғолиб деб топилди, ҳуқуқбузар эса пойгадан четлатилди.Фото: World Press Photo 2021
2020 йил 4 август куни соат 18:00 атрофида Байрут шаҳри кучли портлашда ларзага келди. Портда пайвандлаш ишлари кетаётган пайт у ерда сақланаётган 2,7 минг тонна аммиакли селитра портлаган. Иорданиялик сейсмологлар унинг кучи 4,5 балли зилзилага тенг экани ҳақида хабар бердиФото: World Press Photo 2021
Изоҳ (0)