AQSh prezidenti Jo Baydenning yordamchilari davlat rahbari Vashingtondagi xo‘jalik mollari do‘koniga tashrif buyurgan vaqtda OAV vakillari u bilan savol-javob qilmoqchi bo‘lganida ularni uzoqlashtirgan. Bu haqda Daily Mail xabar berdi.
Nashrning qayd etishicha, Bayden qariyb o‘n daqiqa davomida do‘konni sotuvchilar bilan birga aylangan, shundan keyin jurnalistlar prezidentga savollar berishga uringan va ulardan biri Meksika chegarasidagi inqiroz xususida savol berishga ham ulgurgan. Bayden savolga javob qaytarishga urinayotgan paytda uning yordamchilari matbuot vakillaridan do‘konni tark etishni iltimos qilgan.
Fox News Baydenning prezidentlik lavozimiga kirishganiga 48 kundan oshgani, biroq u hanuzgacha rasmiy matbuot anjumani o‘tkazmaganligini eslatgan. Bu oxirgi 100 yil ichidagi rekord, avvalgi prezidentlar jurnalistlar bilan davlat rahbari lavozimiga kirishganlaridan keyin o‘rtacha 30 kun ichida uchrashgan va suhbatlashgan edi.
Mart oyi boshida Oq uy noma’lum sabablarga ko‘ra Bayden ishtirokidagi onlayn translyatsiyani uzib qo‘ygan. Prezident kongressmen-demokratlarning savollariga javob berishi kerak edi, ammo efir kutilmagan pallada uzilib qolgan.
Avval Jo Baydenning ovcharkasi maxfiy agentni tishlab olgani uchun Oq uydan uzoqlashtirilgani haqida xabar berilgandi.
Izoh (0)