AQShning Nevada shtatida 1987-yilda ishlab chiqarilgan Freightliner magistral yuk mashinasi sotuvga qo‘yildi. “Bamblbi” filmining suratga olish ishlarida ishtirok etgan mashina 21,6 ming dollarga baholanmoqda, deb xabar beradi Motor.
Sotuvga qo‘yilgan Freightliner’ning o‘ziga xos asosiy jihati — yuk mashinasi “Bamblbi” filmining yakuniy sahnalaridan birida ishtirok etganida. Magistral shatakchi Optimus Praym avtobotlarining yo‘lboshchisi rolini o‘ynagan. Suratga olish davomida yuk mashinasining kuzoviga biroz shikast yetgan. Xususan, Freightliner’ning haydovchi o‘rindig‘i va radiator panjarasi ta’mirga muhtoj. Yuk mashina egasi avvaliga kuzovni qayta tiklashni rejalashtirgan, biroq oxir-oqibat shatakchini shunday holatda sotuvga qo‘yishga qaror qilgan.
Sotuvchining so‘zlariga ko‘ra, Freightliner’ning barcha texnik elementlari soz holatda va ta’mir talab qilmaydi. Yuk mashinasi 350 ot kuchiga ega Cummins Big Cam III dizel motori bilan jihozlangan. Agregat to‘qqiz pog‘onali Eaton Fuller mexanik transmissiyasi bilan birga ishlaydi. Magistral shatakchi deyarli bir yil harakatsiz turgan. Kunlik foydalanish davomida mashina haftasiga 4 ming kilometrga yaqin yo‘l bosib kelgan. Hozirga qadar Freightliner jami qancha masofa bosgani noma’lum.
34 yillik temir “kinoqahramon”ni 21,6 ming dollar evaziga xarid qilish mumkin.
Avvalroq yig‘ish uchun 2000 soat sarflangan olti g‘ildirakli syorferlar uslubidagi yuk mashinasi namoyish etilgani to‘g‘risida xabar berilgandi.
Izoh (0)