Moskvadagi turar joy komplekslaridan biridagi ko‘p qavatli avtoturargohda boshqaruvni yo‘qotgan Porsche Macan haydovchisi devorni teshib qo‘ydi. Ko‘ngilsiz hodisa oqibatida oq krossoverning old qismi uchinchi qavatdan chiqib, yerdan bir necha metr balandlikda osilib qolgan, deb xabar beradi Motor.
Noodatiy avariya 9-mart kuni tongda Kolomensk ko‘chasidagi “River Park” turar joy majmuasining avtoturargohida sodir bo‘lgan. Macan binoning tashqi panelini to‘liq teshib o‘tgan va old g‘ildiraklari bilan tashqariga chiqib qolgan.
Telegram’dagi Life Shot kanalining ma’lumotlariga ko‘ra, krossover “Nefteximik” xokkey klubining sobiq o‘yinchisi Denis Kazinovga tegishli. Avariya joyidan olingan suratlarga ko‘ra, Porsche haydovchisiga jarohat yetmagan.
Macan’ning parking devori bilan to‘qnashuviga aynan nima sabab bo‘lgani hozircha noma’lum — faqatgina haydovchi boshqaruvni eplay olmagani aytilmoqda.
Avvalroq Moskva viloyatidagi Dolgoprudniy shahrida ayol kishi boshqaruvidagi Mercedes-Benz avtoturargohning to‘rtinchi qavati devorini teshib qo‘ygani to‘g‘risida xabar berilgandi.
Izoh (0)