Qirg‘iziston prezidenti Sadir Japarov rasmiy tashrif bilan O‘zbekistonga kelishi haqida xabar berilgan, ammo tashrif qachon bo‘lib o‘tishiga aniqlik kiritilmagandi. “AKIpress”ning Qirg‘iziston tashqi ishlar vaziri Ruslan Kazakbayevga tayanib ma’lum qilishicha, tashrif, taxminan, 11—12-mart kunlariga rejalashtirilgan.
Uning aytishicha boshqa ko‘plab davlatlar rahbarlaridan takliflar kelib tushgan.
“Prezident o‘z chiqishida ilk tashriflarni qo‘shni davlatlar — Qozog‘iston, Tojikiston, Turkmaniston, Xitoyga amalga oshirmoqchiligini bildirgan”, — deyiladi xabarda.
Uning qo‘shimcha qilishicha, tashriflar grafigi O‘zbekistonga tashrifdan keyin tuzib chiqiladi. Sadir Japarov Qirg‘iziston prezidenti sifatidagi ilk rasmiy tashrifi 24-fevral kuni Rossiyaga bo‘lib o‘tgan.
Eslatib o‘tamiz, 22-fevral kuni Qirg‘iziston tashqi ishlar vazirining birinchi o‘rinbosari Nuran Niyozaliyev va O‘zbekiston tashqi ishlar vazirining birinchi o‘rinbosari Farhod Arziyev ishtirokidagi videokonferensaloqada tashrifga tayyorgarlik ko‘rish va uni o‘tkazish masalalari muhokama qilingandi.
27-fevral kuni Abdulaziz Komilov Qirg‘iziston prezidenti Sadir Japarov bilan uchrashib, unga Shavkat Mirziyoyev maktubini topshirgandi.
Izoh (0)