Xitoy dollarli milliarderlar soni 1000 kishidan oshgan dunyodagi birinchi mamlakatga aylandi, deb yozadi Spot yangilangan Hurun reytingiga tayanib.
2021-yil boshidagi holatga ko‘ra, dollarli milliarderlar soni 1058 kishini tashkil qildi, bu 2020-yildagidan 259 kishiga ko‘pdir. Butun dunyoda dollarli milliarderlar soni 2020-yilda rekord darajaga — 3228 kishiga yetgan.
Kommunistik mamlakatda alohida odamlarning atrofdagilardan ancha boy bo‘lishiga ruxsat berilishini Xitoyda “kerakli yovuzlik” deb atashadi .
Partiya o‘zining bosh maqsadlaridan biri sifatida aksariyat xitoyliklarning asosiy manfaatlarini ilgari surishni aytadi.
O‘tgan yilning 70-yillarida “kambag‘allik — sotsializm emas” deb ma’lum qilgan davlat, siyosat va partiya arbobi Den Syaopin muayyan odamlarning boyib ketishiga imkon berilsa, umumiy farovonlikka erishilishi mumkin, degan qarorga kelgan edi.
Bu Syaopinning hisob-kitoblariga ko‘ra, mamlakatdagi boshqa odamlar ham yaxshi yashashi uchun mablag‘ va mexanizmlarni qo‘lga kiritish imkonini berishi kerak edi.
Shunday bo‘lib chiqdi ham: uning islohotlaridan keyin Xitoyda 700 millionga yaqin odam kambag‘allikdan chiqarildi, yaqinda esa mamlakat qashshoqlik ustidan to‘liq g‘alaba qozonilganini e’lon qildi.
Xitoy Kommunistik partiyasi xususiy biznes va tadbirkorlik ruhini iqtisodiy o‘sishni va yangi ish o‘rinlari yaratilishini ta’minlovchi kuch sifatida to‘liq qo‘llab-quvvatlaydi.
Oddiy qilib aytganda, mamlakatda boy odamlar qanchalik ko‘paysa, kambag‘allar shunchalik kamayadi, degan fikrga kelishdi.
Partiya badavlat fuqarolarga yaxshi munosabatda bo‘lish bilan birga, baribir kommunistik bo‘lib qolmoqda va ko‘p pul ishlab topadiganlarni qat’iy nazorat qilmoqda.
Avvalroq Alibaba Group Holding Ltd asoschisi Jek Ma Xitoyning eng boy odami maqomidan ayrilgani va mamlakat miqyosidagi eng boy milliarderlar uchligidan ham tushib qolgani haqida xabar berilgan edi.
Izoh (0)