O‘zbekiston Prezidenti Shavkat Mirziyoyev 2-mart kuni o‘zining iqtisodiy taraqqiyot, samarali boshqaruv va xalqaro hamkorlik masalalari bo‘yicha maslahatchisi Suma Chakrabartini qabul qildi. Bu haqda Prezident matbuot xizmati xabar berdi.
Qayd etilishicha, uchrashuvda maslahatchi Chakrabartining O‘zbekistondagi iqtisodiy islohotlarning uzoq muddatli istiqbolga mo‘ljallangan strategiyasini tayyorlash, davlat boshqaruvi tizimini takomillashtirish, mamlakatning xorijiy sheriklar bilan o‘zaro manfaatli munosabatlarini kengaytirish borasidagi taklif va tavsiyalari ko‘rib chiqildi.
Davlat rahbari “yo‘l xaritasi” va ustuvor yo‘nalishlar bo‘yicha boshqa muhim konseptual hujjatlarni birgalikda puxta tayyorlashni davom ettirish va keyinchalik ularni amalga oshirish zarurligini ta’kidladi.
Investitsiya va ishbilarmonlik muhitini yana-da yaxshilash, davlat ulushi mavjud korxonalarni transformatsiya qilish, yuqori malakali kadrlarni tayyorlash masalalariga alohida e’tibor qaratildi.
Eslatib o‘tamiz, Suma Chakrabarti O‘zbekiston Prezidentining maslahatchisi etib tayinlanishidan avval sakkiz yil davomida Yevropa tiklanish va taraqqiyot banki prezidenti lavozimida faoliyat yuritgan.
Mavzuga doir:
- Shavkat Mirziyoyev Sirdaryo viloyatining investitsiya loyihalari taqdimoti bilan tanishdi
- “Shavkat Miromonovich uyga kirmay, oyoq kiyimlarini yechishni boshladilar. Menga noqulay bo‘ldi. Podyezdga yechdilar, ishonasizmi?”
- Namangandagi Prezident tanqid qilgan mahallada ikkita kichik sanoat zonasi tashkil etildi
Izoh (0)