O‘zbekiston Bosh prokurorining buyrug‘iga asosan, Namangan viloyati prokurorining birinchi o‘rinbosari lavozimida ishlab kelgan Baxtiyor Ismoilov Farg‘ona viloyati prokurori etib tayinlandi, deb xabar bermoqda viloyat hokimligi matbuot xizmati.
Ushbu tayinlov Farg‘ona viloyati hokimligida bosh prokuror Nig‘matilla Yo‘ldoshev, viloyat hokimi Xayrullo Bozorov, viloyat sektorlari hamda boshqarma-tashkilotlar rahbarlari, jamoatchilik vakillari ishtirokida 2-mart kuni o‘tkazilgan yig‘ilishda e’lon qilingan.
Farg‘ona viloyatining avvalgi prokurori Ulug‘bek Qosimov 2021-yilning 12-fevralida Toshkent shahri prokurori lavozimiga tayinlangandi.
Baxtiyor Ismoilov 2003—2015-yillarda Andijon viloyati prokuraturasi organlarida turli lavozimlarda mehnat qilgan, 2015—2016-yillarda Bosh prokuraturaning sud qarorlarini ijro etishda va qamoqqa olinganlarni saqlashda qonunlarga rioya etilishi ustidan nazorat boshqarmasi katta prokurori, 2017—2021-yillarda Farg‘ona viloyati prokurorining o‘rinbosari, Farg‘ona viloyati prokurorining birinchi o‘rinbosari lavozimlarida faoliyat yuritgan.
Mavzuga doir: Farg‘ona viloyati hokimi Xayrullo Bozorov senator bo‘ldi
Izoh (0)