Armaniston prezidenti Armen Sarkisyan ikkinchi marotaba Pashinyanning Qurolli Kuchlar Bosh shtabi boshlig‘i Onik Gasparyanni iste’foga chiqarish to‘g‘risidagi farmonini imzolashdan bosh tortdi, deb xabar qildi davlat rahbari matbuot xizmatiga tayanib “RIA Novosti”.
Armaniston qonunchiligiga muvofiq, endi Pashinyan farmoni avtomatik ravishda kuchga kiradi.
Armaniston prezidenti matbuot xizmatining ta’kidlashicha, Sarkisyan Armaniston Qurolli Kuchlari Bosh shtabi boshlig‘i Onik Gasparyanning ishdan bo‘shatilishi bilan bog‘liq siyosiy inqirozni hal etilishi zarur deb hisoblaydi.
Asosiy qonunga ko‘ra, prezident uch kun ichida eng yuqori qo‘mondonlik shtati vakilini ishdan bo‘shatish to‘g‘risida ariza bergan bosh vazirga o‘z e’tirozlari bilan tegishli farmonni imzosiz qaytarishi mumkin. Agar hukumat rahbari ushbu e’tirozlarni qabul qilmasa, u holda prezident tegishli hujjatni imzolashi yoki Konstitutsiyaviy sudga murojaat qilishi kerak. Agar prezident ushbu talablarni bajarmagan bo‘lsa, tegishli akt avtomatik ravishda kuchga kiradi.
Ta’kidlanishicha, Sarkisyan Konstitutsiyaviy sudda farmon loyihasining o‘zi emas, balki Qurolli Kuchlarda kadrlar masalasini tartibga soluvchi “Harbiy xizmat va harbiy xizmatchilarning maqomi to‘g‘risida”gi qonun-qoidalariga e’tiroz bildirgan.
Tog‘li Qorabog‘dagi urushda mag‘lubiyatga uchragach, Armanistonda siyosiy inqiroz davom etmoqda. U 25-fevral kuni bosh shtab Nikol Pashinyanning iste’fosini talab qilganidan keyin kuchaydi. Bunga bosh vazir uning Rossiya tomonidan ishlab chiqarilgan “Iskander” raketalari Qorabog‘da samara bermagani haqidagi gaplarini tanqid qilgan bosh shtab boshlig‘i o‘rinbosarini ishdan bo‘shatgani sabab bo‘ldi.
Pashinyan unga “Iskander” raketalari haqida noto‘g‘ri ma’lumot berilganini tan oldi. Shu bilan birga, u harbiylarning xatti-harakatlarini davlat to‘ntarishiga urinish deb atadi va Bosh shtab boshlig‘ini ishdan bo‘shatishga urindi, ammo Armaniston prezidenti uni iste’foga chiqarishdan bosh tortdi. Pashinyan Bosh shtab rahbarini “xoin” deb atab, uning ketishini talab qilishda davom etmoqda. Yerevanda 25-fevraldan buyon bosh vazir tarafdorlari va unga qarshi bo‘lganlarning aksiyalari bo‘lib o‘tmoqda.
Izoh (0)