Madridning “Atletiko” klubi Ispaniya chempionatining 25-turida kechgan 28-fevral kungi bahsda “Vilyarreal”ni mag‘lubiyatga uchratdi (2:0).
Bu Diyego Simeone uchun madridliklar boshqaruvida qo‘lga kiritilgan 308-g‘alaba bo‘ldi. Shu tariqa Simeone “Atletiko”dagi g‘alabalar soni bo‘yicha klubning sobiq ustozi Luis Aragonesning rekordini takrorladi.
Shu bilan birga argentinalik mutaxassis mazkur natijaga erishish uchun 512 ta o‘yin sarfladi. Aragones esa undan yuzta ko‘p (612) o‘yin o‘tkazib, rekordni qayd etgandi.
Ayni damda “Atletiko” La Liga musobaqa jadvalida peshqadamlik qilmoqda va eng yaqin ta’qibchisi “Barselona”ni olti ochko ortda qoldirgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)