Мадриднинг «Атлетико» клуби Испания чемпионатининг 25-турида кечган 28 февраль кунги баҳсда «Вильярреал»ни мағлубиятга учратди (2:0).
Бу Диего Симеоне учун мадридликлар бошқарувида қўлга киритилган 308-ғалаба бўлди. Шу тариқа Симеоне «Атлетико»даги ғалабалар сони бўйича клубнинг собиқ устози Луис Арагонеснинг рекордини такрорлади.
Шу билан бирга аргентиналик мутахассис мазкур натижага эришиш учун 512 та ўйин сарфлади. Арагонес эса ундан юзта кўп (612) ўйин ўтказиб, рекордни қайд этганди.
Айни дамда «Атлетико» Ла Лига мусобақа жадвалида пешқадамлик қилмоқда ва энг яқин таъқибчиси «Барселона»ни олти очко ортда қолдирган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)