Futbol bo‘yicha Italiya A Seriyasining 24-turida “Milan” 28-fevral, yakshanba kuni “Roma” mehmoni bo‘ldi.
Bellashuvda milanliklarning qo‘li baland keldi. Dastlab Frank Kessie o‘zining penaltidan urgan goli bilan mehmonlarni hisobda oldinga olib chiqdi. Ikkinchi bo‘lim debyutida Jordan Veretu hisobni tenglashtirdi. 58-daqiqada Ante Rebich “Milan” g‘alabasini ta’minlagan golni kiritdi.
Mazkur g‘alabadan so‘ng Stefano Pioli shogirdlari ochkolarini 52 taga yetkazib, 2-o‘rinda bormoqda. Jamoa peshqadam — “Inter”dan 4 ochkoga ortda qolmoqda. “Roma” esa 24-turdan so‘ng 44 ochko bilan 5-o‘rinda qayd etilgan.
“Roma”—“Milan” uchrashuvi videosharhini bu yerda tomosha qilish mumkin — video.
A Seriya
24-tur bahslari
28-fevral, yakshanba
“Roma”—“Milan” 1:2
Gollar: 0:1 – 43, penalti Kessie, 1:1 – 50 Veretu, 1:2 – 58 Rebich.“Roma”: Lopes, Karsdorp, Fasio (Bruno Peres, 62), Manchini, Spinatssola, Veretu (Diavara, 79), Kristante, Mxitaryan, Vilyar (ash-Shaaravi, 70), Pellegrini, Mayoral (Pedro, 79).
“Milan”: Donnarumma, Ker, Teo, Tomori, Kalabriya, Tonali (Meyte, 83), Salemakers (Kastilyexo, 83), Chalxono‘g‘lu (Brahim Dias, 46), Kessie, Rebich (Krunich, 67), Ibragimovich (Rafael Leau, 56).
Ogohlantirishlar: Fasio (41), Salemakers (46), Mxitaryan (80), Kalabriya (85), Pellegrini (89).
“Napoli”—“Benevento” 2:0
Gollar: 1:0 – 34 Mertens, 2:0 – Politano.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)