Кўпинча бирон-бир йўналишдаги таълимни якунлаган ёшлар ўз мутахассислиги бўйича меҳнат фаолиятини йўлга қўйишда қийинчиликларга дуч келишади. Гарчи улар ўқишни аъло баҳоларга тамомлаган бўлсаларда, олган билимларни амалиётда қўллаш бироз қийин кечади. Натижада уларда ўзига бўлган ишонч, мотивация пасайиб кетиши, базида эса умуман бошқа бир йўналишга ўтиб кетиш ҳолатлари кузатилади. Хўш, нега шундай? Аслида, ишда муваффақиятга эришиш учун университетни аъло баҳоларга битиришнинг ўзи етарли бўлиши керак эмасми?
Гап шундаки, ҳозирда замоннинг шиддат билан ўзгариб бориши оқибатида бугунги янгилик эртага эскириб қолиши ҳеч гап эмас. Албатта, назарияни яхши ўзлаштириш муҳим. Бироқ баъзи жабҳаларда ўзгаришлар нисбатан тез рўй бераётгани туфайли назарияда олган билим ва методларни амалиётда тўлиқ қўллаб бўлмай қолди. Шу сабаб имкон қадар олинган билимни йўл-йўлакай амалиёт билан мустаҳкамлаш, бўшлиқлар ўрнини янги тажрибалар билан тўлдириб бориш мақсадга мувофиқ.
Афсуски, ҳамма ОТМларда ҳам бу жараённи тўлиқ йўлга қўйишнинг имкони йўқ. Шу боис, кўпинча битирувчиларда диплом олгандан кейинги ишга жойлашишгача бўлган давр қийин кечади. Эндиликда бу каби муаммоларнинг ечими бор. Халқаро таълим бўйича Америка кенгашларининг ёш профессионаллар учун амалиёт дастури (Young Professional Internships Program) талабаларни юқоридаги каби муаммолар ҳақида қайғуриб, хавотирга тушишдан халос этади.
Ўзбекистондаги бизнес ва STEM (аниқ ва табиий фанлар, интернет технология, муҳандислик ва математика) талабалари ёки ушбу йўналишларда касбий фаолият юритишга мўлжалланган ёзги амалиёт дастуридаги ёшлар 8 ҳафта мобайнида ўз тажриба ва кўникмаларини ошириб олиши мумкин.
Тошкент шаҳрида ўтказиладиган амалиёт давомида талабалар малакали мутахассислар, жумладан, америкалик устозлардан сабоқ олишади. Вилоятдан келадиган ёшларга амалиёт даврида пойтахтда яшаш харажатларини таъминлаш мақсадида 250 АҚШ доллари миқдорида стипендия берилади.
Халқаро таълим бўйича Америка кенгашларининг ушбу (YPIP) амалиёт дастури орқали ёш мутахассислар Ўзбекистонда консалтинг, маркетинг, молия, ахборот технологиялари ва бошқа соҳаларда фаолият юритаётган кичик бизнес, стартапларда иш ўрганиб, ўз карьерасини қуриш йўлларини ўрганиш имкониятига эга бўлади. Шунигдек, ушбу дастур истеъдодли, тайёр кадрларни излаётган компаниялар учун ҳам фойдалидир. Лойиҳа ташкилотчилари буни ҳам инобатга олган ҳолда малакали ходимларга эҳтиёж сезаётган компанияларни ҳамкорликка чорлайди.
Амалиёт дастурининг мақсади:
- ҳақиқий вазифаларни ҳал қилишда жамоа ва компания етакчиси билан ишлаш;
- касбий маҳоратни ошириш, серқирра мутахассисни тарбиялаш;
- махсус ўқув машғулотлари орқали малака ошириш бўйича маълумотлар;
- иш берувчилар талабига жавоб бера оладиган кадр бўлиш ва резюмени жозибадор қилиш сирлари;
- бизнес учун инглиз тилидаги бепул курсларни ўтиш кабиларни ўргатишдан иборат.
Агар сизда бизнес ёки STEM соҳаларига қизиқиш бўлса, шунингдек, сиз Ўзбекистондаги олий ўқув юртида таълим олиш ва бепул инглиз тили курсларида ўқишни хоҳласангиз, шошилинг!
Амалиёт дастури 2021 йил 1 июлдан 31 августга қадар бўлиб ўтади.
Рўйхатдан ўтиш ва батафсил маълумот учун қуйидаги ҳаволага ўтинг: https://ais.americancouncils.org/ypip
Аризалар 2021 йил 24 мартга қадар қабул қилинади.
YPIP амалиёт дастури АҚШ давлат департаменти томонидан молиялаштирилади ва уни халқаро таълим учун Америка кенгашлари амалга оширади. Агар сизда саволлар бўлса, қуйидаги электрон манзилга ёзиб юборишингиз мумкин: mmuydinova@americancouncils.org
Манзил: Шота Руставели кўчаси 12, Гранд бизнес маркази.
Веб-сайт: uzbekistan.americancouncils.org
Facebook: fb.com/AmericanCouncilsUzbekistan
Instagram: americancouncils.uz
Telegram: t.me/ACCELS
Реклама ҳуқуқи асосида.
Изоҳ (0)