Janubiy Koreya hududida uy parrandalari orasida parranda grippining yuqori patogenli shtammining 101 ta o‘chog‘i aniqlandi. Bu haqda Yonhap nashriga tayanib Tengrinews xabar berdi.
Janubiy Koreya Qishloq xo‘jaligi vazirligining ta’kidlashicha, Seulning janubidagi Inchxon shahrida joylashgan tovuq fermasida yuqori patogenli parranda grippi deb gumon qilinayotgan yana bir holat tekshirilmoqda, bu esa kasallik o‘choqlari sonini 101 taga yetkazdi.
Vazirlik ma’lumotlariga ko‘ra, hozirgacha 28,6 million bosh parranda yo‘q qilindi. Fevral oyining o‘rtalaridan beri hukumat gripp aniqlangan fermalardan bir kilometr radiusda joylashgan barcha parrandalarni yo‘q qilyapti. Kasallikning yovvoyi qushlarga yuqish holatlari ham ko‘payishda davom etmoqda va ularning soni 201 taga yetdi.
Buning natijasida Janubiy Koreyada tovuq tuxumi narxining o‘sishi qayd etildi. Yillik hisobda ular 48,1 foizga o‘sdi. Lekin tovuq go‘shtining narxi atigi 9,2 foizga o‘sib, barqarorlashdi.
Avvalroq Gvineya va Kongoda Ebola virusi aniqlangani va o‘lim holatlari kuzatilgani haqida xabar berilgan edi.
Mavzuga doir: Kongoda Ebolaga qarshi emlash boshlanadi
Izoh (0)