Xitoyning Rollme kompaniyasi 2020-yilning kuzida taqdim etilgan Rollme Hero soatlarini sotuvga chiqardi, deb xabar beradi IXBT.
Rollme Hero romsiz dizayn, smartfon funksiyasi, soatlar uchun juda katta bo‘lgan akkumulyator sig‘imi, shuningdek, Google Play onlayn do‘konini qo‘llab-quvvatlaydigan Android 10 operatsion tizimiga ega.
Soatlar hamyonbop smartfonlarda uchratish mumkin bo‘lgan o‘ziga xos jihatlarga ega bo‘lgan. Qurilma ekraniga 8 va asosiy 13 megapikselli kamera, bir kristalli MediaTek Helio P22 tizimi, 3/4 Gb tezkor xotira, 32/64 ichki xotira, shuningdek, 1600 mA/soat akkumulyator o‘rnatilgan.
Soatlar 4G LTE aloqa tarmog‘i funksiyasini qo‘llab-quvvatlaydi, u smartfonga ulanmasdan turib, qo‘ng‘iroqlarni qabul qilish va amalga oshirishga qodir. Ishlab chiqaruvchining so‘zlariga ko‘ra, soat avtonom holatda 10 kun ishlay oladi. Yuz yordamida blokdan chiqarish imkoniyati ham bor.
Rollme Hero “aqlli” soatlarga xos bo‘lgan oddiy funksiyalarni ham bajaradi. Ekran diametri 1,69 dyuym, piksellari soni 450x450. GPS, kompas, altimetr va barometr, qadamlarni hisoblagich, pulsni nazorat qilgich va o‘nlab sport rejimlari mavjud, suvdan (10 ATM) himoyalangan. Soatlar eni 18,5 millimetrni tashkil etadi.
Ayni vaqtda Rollme Hero soatlarini katta chegirma bilan xarid qilish mumkin — Banggood’da 200 dollar evaziga. Standart narxi esa 400 dollarni tashkil etadi.
Avvalroq Xiaomi 45 dollarlik Redmi Watch “aqlli” soatlarini taqdim etgani to‘g‘risida xabar berilgandi.
Izoh (0)