Oppo kompaniyasi bir burchakdan boshqasiga siljiy oladigan noodatiy selfi-kameraga ega qurilmani o‘ylab topdi, deb xabar beradi Hi-Tech.Mail.ru.
Kamera moduli blokka o‘rnatilgan bo‘lib, u orqali kamerani chap yoki o‘ng tomonga siljitish mumkin. Bu kabi siljish kompozitsiyani osongina tahrirlash va turli burchaklar ostida suratga olishni ta’minlaydi. Masalan, foydalanuvchi to‘g‘riga qarab turgan bo‘lsa ham, burchak ostida suratga olishni amalga oshirsa bo‘ladi.
Odatdagi holatda kamera belgilangan joyni egallaydi. Siljish jarayoni to‘liq avtomatik, biroq foydalanuvchining o‘zi u qaysi tomonda turishi kerakligini belgilaydi.
Patentda e’lon qilingan suratlarga ko‘ra, kameralar tizimi ekran ostida joylashgan va eni bo‘ylab qurilmaning deyarli butun yuqori qismini egallagan.
Aftidan, bu kabi texnologiyadan qurilmaning orqa panelini shakllantirishda ham foydalansa bo‘ladi. Mazkur holatda smartfon panorama suratlarni tasvirga olish uchun ideal qurilmaga aylanadi.
Kompaniya ushbu yangi ixtironi noodatiy kameralar tizimi xos bo‘lgan Oppo Reno smartfonlari seriyasiga joriy etishi mumkinligi aytilmoqda. Konstruksiyasidan kelib chiqib bu periskop (Reno2 Z) yoki “suzgich” (Reno2) bo‘lishi mumkin.
Avvalroq Vivo siljiydigan kameraga ega yangi flagmanini taqdim etgani, shuningdek, Samsung ham siljiydigan kameraga ega smartfon ustida ishlayotgani to‘g‘risida xabar berilgandi.
Izoh (0)