Ice Universe niki ostida tanilgan insayder 2021-yilda smartfon ishlab chiqaruvchilar ko‘proq sifatli “makrosyomka”ga e’tibor qaratishlarini ma’lum qildi, deb yozadi IXBT.
Ta’kidlanishicha, tez orada bozorda “makrosyomka”ga olishni oldingidan ko‘ra ancha ommalashtiruvchi Oppo Find X3 Pro flagmani sotuvga chiqadi. Insayderning qo‘shimcha qilishicha, foydalanuvchilar ko‘proq makrosuratlarga e’tibor qarata boshlaydi, chunki ular endilikda mutlaqo yangi sifat darajasiga ko‘tariladi.
Smartfonning asosiy kamerasi oddiy va o‘ta keng burchakli obyektivlarga ega 50 megapikselli Sony IMX766 datchigini o‘z ichiga oladi. 13 megapikselli kamera ikki karra optik zumni ta’minlaydi. Shuningdek, 3 megapikselli makrokamera ham o‘rnatilib, u 25 karra zumga ega bo‘ladi. Oppo Find X3 Pro OFILM tomonidan ishlab chiqarilgan obyektivlar bilan jihozlanadi va u zum borasida o‘ziga qadar ishlab chiqarilgan barcha smartfonlarni ortda qoldiradi. Uni mikroskop bilan taqqoslashmoqda.
Tarqalgan ma’lumotlarga ko‘ra, smartfon bir kristalli Snapdragon 888 protsessori, 6,7 dyuymli egilgan OLED displeyi va sig‘imi 4500 mA/soatga teng akkumulyatorga ega bo‘ladi.
Avvalroq Oppo X 2021 “rulon-smartfoni” yangi “jonli” kadrlarda namoyish etilgan edi.
Izoh (0)