Amerikaning ayrim shtatlariga yopirilgan “arktik to‘lqin” ba’zi haydovchilar havoning keskin sovib ketishiga tayyor emasligini ko‘rsatib qo‘ydi. Internetda Tennessi shtatida joylashgan Neshvill shahridagi ko‘cha bo‘ylab yonlamasiga sirpanib ketayotgan pikapning videosi paydo bo‘ldi, deb xabar beradi Motor.
O‘tgan hafta Neshvillda havo harorati kunduzi Selsiy bo‘yicha -3 darajani, kechasi esa -12 darajani tashkil etdi. Ob-havoning keskin sovishi oqibatida yo‘llar muzlab qolib, mahalliy haydovchilarga turli muammolarni keltirib chiqargan. Ular orasida Ford F-150 pikapining egasi ham bor bo‘lib, u boshqaruvni yo‘qotib qo‘ygani sabab mashina qiya ko‘cha bo‘ylab bir necha o‘n metrga sirpanib ketgan. Sodir bo‘lgan voqea kuzatuv kamerasi yordamida tasvirga olingan.
https://www.facebook.com/wreg3/videos/764161987846063
Facebook’dagi WREG News Channel sahifasida e’lon qilingan post ostiga foydalanuvchilar sodir bo‘lgan voqeaga o‘z izohlarini qoldirgan. Ularning ayrimlari ekstremal vaziyatda qolgan haydovchiga achingan, qolganlar esa haydovchiga biroz tajriba yetishmaganini yozgan. Haydovchi tormozni bosishga muvaffaq bo‘lganmi yoki jarohat olganmi, bu haqda ma’lumot yo‘q.
Avvalroq haydovchining ehtiyotkorligi tufayli sirpanib ketgan BMW X6 bilan to‘qnashuvning oldi olingani to‘g‘risida xabar berilgandi.
Izoh (0)