Facebook’dagi Dude Perfect kanali blogerlari o‘yinchoq avtomobillarni Hot Wheels seriyasidagi ulkan poyga trassasi bo‘ylab harakatlanayotgani tasvirlangan videoni e’lon qildi. O‘ziga xos poligonni mutaxassislar uyning ichiga va tashqarisiga o‘rnatgan, deb xabar beradi Motor.
Blogerlar tomonidan qurilgan Hot Wheels trassasini bosib o‘tish uchun bir daqiqaga yaqin vaqt sarflangan. Harakat uy ichida boshlangan bo‘lib, o‘yinchoq mashina ko‘plab burilishlar va past-balandliklarni, shuningdek, “o‘lim sirtmog‘i”ni bosib o‘tib, ichki hovliga chiqqanida “domino effekti”ni ishga tushirib yuborgan. Yiqilgan toshlar boshqa bir o‘yinchoq avtomobilni “otgan” mexanizmni ishga tushirgan, u esa o‘z navbatida uchinchi avtomobilning harakatiga turtki bergan.
https://www.facebook.com/DudePerfect/videos/446844549850783
Blogerlar ko‘proq tomosha bo‘lishi uchun radioboshqariluvchi boshqa modellarni, shuningdek, kichikroq dronni harakatga keltirgan. Barcha to‘siqlar bosib o‘tilgach, xususan, suvli basseyn hududidan so‘ng, o‘yinchoq mashina golf maydoniga yo‘l olib, koptokni chuqurga turtib yuborgan. Trassada sodir bo‘lgan barcha harakatlar radioboshqariluvchi avtomobillarga qotirilgan ekshen-kameralar yordamida tasvirga olingan.
Avvalroq britaniyalik bloger Mett Denton plastik ehtiyot qismlardan dunyoga mashhur Lego konstruktori uslubida yaratilgan yangi poyga mashinasi versiyasini yasab, unda harakatlangani to‘g‘risida xabar berilgandi.
Izoh (0)