Американинг айрим штатларига ёпирилган «арктик тўлқин» баъзи ҳайдовчилар ҳавонинг кескин совиб кетишига тайёр эмаслигини кўрсатиб қўйди. Интернетда Теннесси штатида жойлашган Нэшвилл шаҳридаги кўча бўйлаб ёнламасига сирпаниб кетаётган пикапнинг видеоси пайдо бўлди, деб хабар беради Motor.
Ўтган ҳафта Нэшвиллда ҳаво ҳарорати кундузи Цельсий бўйича -3 даражани, кечаси эса -12 даражани ташкил этди. Об-ҳавонинг кескин совиши оқибатида йўллар музлаб қолиб, маҳаллий ҳайдовчиларга турли муаммоларни келтириб чиқарган. Улар орасида Ford F-150 пикапининг эгаси ҳам бор бўлиб, у бошқарувни йўқотиб қўйгани сабаб машина қия кўча бўйлаб бир неча ўн метрга сирпаниб кетган. Содир бўлган воқеа кузатув камераси ёрдамида тасвирга олинган.
https://www.facebook.com/wreg3/videos/764161987846063
Facebook’даги WREG News Channel саҳифасида эълон қилинган пост остига фойдаланувчилар содир бўлган воқеага ўз изоҳларини қолдирган. Уларнинг айримлари экстремал вазиятда қолган ҳайдовчига ачинган, қолганлар эса ҳайдовчига бироз тажриба етишмаганини ёзган. Ҳайдовчи тормозни босишга муваффақ бўлганми ёки жароҳат олганми, бу ҳақда маълумот йўқ.
Аввалроқ ҳайдовчининг эҳтиёткорлиги туфайли сирпаниб кетган BMW Х6 билан тўқнашувнинг олди олингани тўғрисида хабар берилганди.
Изоҳ (0)