Toshkent shahrida BMW va Isuzu o‘rtasida sodir bo‘lgan yo‘l-transport hodisasi oqibatida ikki kishi halok bo‘ldi. Bu haqda IIV YHXBB axborot xizmati xabar berdi.
Ma’lum qilinishicha, 16-fevral kuni soat 22:45 larda Toshkent shahar Uchtepa tumanidagi “Maqsad” kafesi qarshisida haydovchi 35 yoshli R.R. ismli haydovchi boshqaruvida bo‘lgan BMW yo‘l chetida to‘xtab turgan Isuzu yuk mashinasiga borib urilgan.
Sodir bo‘lgan to‘qnashuv o‘qibatida BMW haydovchisi tan jarohati bilan shifoxonaga yotqizilgan. Ushbu avtomobil yo‘lovchilari — 31 yoshli B.K. shifoxonaga olib ketilayotganda, 27 yoshli V.E. esa hodisa joyida vafot etgan.
YTH yuzasidan Toshkent shahar IIBB Tergov bo‘limi tomonidan tergovga qadar tekshiruv harakatlari olib borilmoqda.
Avvalroq Toshkentda YHXB avtomobili Lacetti bilan to‘qnashgani, shuningdek, Toshkentda “pravasi” yo‘q 17 yoshli Cobalt haydovchisi avtobus bekati va ikkita Cobalt’ga borib urilgani to‘g‘risida xabar berilgandi.
Izoh (0)