Тошкент шаҳрида BMW ва Isuzu ўртасида содир бўлган йўл-транспорт ҳодисаси оқибатида икки киши ҳалок бўлди. Бу ҳақда ИИВ ЙҲХББ ахборот хизмати хабар берди.
Маълум қилинишича, 16 февраль куни соат 22:45 ларда Тошкент шаҳар Учтепа туманидаги «Мақсад» кафеси қаршисида ҳайдовчи 35 ёшли Р.Р. исмли ҳайдовчи бошқарувида бўлган BMW йўл четида тўхтаб турган Isuzu юк машинасига бориб урилган.
Содир бўлган тўқнашув ўқибатида BMW ҳайдовчиси тан жароҳати билан шифохонага ётқизилган. Ушбу автомобиль йўловчилари — 31 ёшли Б.К. шифохонага олиб кетилаётганда, 27 ёшли В.Э. эса ҳодиса жойида вафот этган.
ЙТҲ юзасидан Тошкент шаҳар ИИББ Тергов бўлими томонидан терговга қадар текширув ҳаракатлари олиб борилмоқда.
Аввалроқ Тошкентда ЙҲХБ автомобили Lacetti билан тўқнашгани, шунингдек, Тошкентда «праваси» йўқ 17 ёшли Cobalt ҳайдовчиси автобус бекати ва иккита Cobalt’га бориб урилгани тўғрисида хабар берилганди.
Изоҳ (0)