Toshkentning Uchtepa tumanida YHXB avtomobili Lacetti bilan to‘qnashdi. Bu haqda YHXBB matbuot xizmati xabar berdi.
14-fevral kuni soat 01:00 larda navbatchilik qismiga tushgan xabarga ko‘ra, tumanning Zargarlik—Qatortol-2 ko‘chalari kesishgan chorrahada 1992-yilda tug‘ilgan haydovchi Toshkent shahar IIBB YHXB YPX xodimi S.A. boshqaruvidagi YHXBga tegishli bo‘lgan Lacetti hamda 1986-yilda tug‘ilgan haydovchi O.E. boshqaruvidagi yana bir Lacetti to‘qnashgan.
Qayd etilishicha, to‘qnashuv oqibatida hech kim tan jarohati olmagan.
Holat yuzasidan surishtiruv ishlari olib borilib, to‘qnashuv sabablariga aniqlik kiritilmoqda.
Avvalroq Toshkentda boshqaruvni yo‘qotgan YPX xodimi xizmat Lacetti’sini daraxtga borib urgani haqida xabar berilgan edi.
