Peris Hilton 40 yoshda: Hilton mehmonxonasi asoschisining nabirasi, aktrisa va modelning noodatiy taqdiri (foto)

Peris Hilton 40 yoshini nishonlamoqda. Hanuzgacha shaxsiy hayotini tartibga solmagan yulduz haqida nimalar ma’lum?

Bolalik va zo‘ravonlik

Peris Hilton 1981-yil 17-fevralda Nyu-Yorkda tug‘ilgan. Bolaligida u oilasi bilan turli shaharlarda va Manxettenning “Waldorf-Astoria” mehmonxonasida yashagan. Mehmonxonalar tarmog‘ining egasi Berron Hiltonning to‘ng‘ich nabirasi tom ma’noda hamma imkoniyatga ega edi.

Peris unchalik ham o‘qishni xohlamas edi, shuning uchun ham bir necha maktabdan haydab yuborilgan. 16-17 yoshlaridayoq uyidan qochib ziyofatlarga borganidan so‘ng uning ota-onasi qizini Yuta shahridagi “Provo-Kanyon” xususiy maktabiga o‘qishga bergan. U maktabga emas, ko‘proq koloniyaga o‘xshar edi. Peris u yerda bir yil yashashi mobaynida qochishga bir necha bor urindi. U 18 yoshga to‘lganidagina ota-onasi uyga qaytishga ruxsat berdi. Ammo o‘tgan vaqt uning qalbida chuqur iz qoldirgan edi, chunki u buni zo‘ravonlik deb bilar edi.

Katta dunyoga qadam

19 yoshida Peris modellik karyerasini boshlashga qaror qilgan. Keyinchalik ijtimoiy tadbirlarda ko‘rina boshlagan, oradan ikki yil o‘tib, jamiyatning yuqori qatlami o‘rtasida muvaffaqiyat qozongan ayol unvoniga sazovor bo‘lgan.

2003-yil Peris “Oddiy hayot” serialida rol o‘ynadi, bundan tashqari, uning yana bir nechta obrazlari ham mavjud, ammo badavlat merosxo‘rning kino olamidagi karyerasida kutilganidek natijaga bo‘lmagan. Xuddi shu holat musiqa sohasida ham yuz berdi. U birgina albom chiqarish bilan cheklangan, xolos. Avtobiografiya, parfyumeriya, reklama – u nimalar qilgan bo‘lsa ham, ijtimoiy foydali ish bilan shug‘ullanadigan odam emas, balki kibor xonim, deb hisoblanaverdi.

2007-yil Berron Hilton otasining izidan borishga va boyligining 97 foizini “Conrad N. Hilton Foundation” nomidagi fondga qoldirishga qaror qilganini ma’lum qildi. Bu qaror avvaldanoq ma’lum bo‘lib, Peris, uning singil va ukalari ham Hilton imperiyasi merosini qo‘lga kiritmasligini anglatar edi. Berron vafot etganidan so‘ng hammasi u aytgandek bo‘ldi.

Shaxsiy hayot

Perisning shaxsiy hayoti har doim qizg‘in muhokamalarga sabab bo‘lgan. Bu kabi kibor ayolni kim tanlagani hamma uchun qiziq edi. 2000-yilda Rik Solomon bilan Peris o‘rtasidagi ishqiy munosabatlar janjalga sabab bo‘lgan. Peris Pamela Andersonning sobiq turmush o‘rtog‘iga qarshi sudga murojaat qildi, ammo bundan hech qanday ish chiqmagan.

Keyinchalik uning uch marta unashtiruvi ham to‘ygacha yetib bormadi. Musiqachi Jeyson Sho, produser Paris Latsis, aktyor Kiris Zilka – ularning hech biri Peris bilan nikohdan o‘tishgacha jur’at qilmagan. Barcha dugonalari turmushga chiqib, farzandli bo‘lganida ham Peris doimgidek kibor xonim bo‘lib qolaverdi.

Va nihoyat baxt

2019-yilga kelib Peris Xilton va ishbilarmon Karter Zaum oralarida ishqiy munosabatlar boshlangan. Buni o‘tmishdagi muvaffaqiyatsizliklar tufaylidir balki, u bir necha oy davomida, toki Zeum oilasi davrasida u bilan tushgan suratni o‘z sahifasiga joylashtirguniga qadar sir tutdi. Surat shu qadar shov-shuv bo‘lganidan Zeum suratni o‘chirib, ijtimoiy tarmoqdan chiqib ketishiga to‘g‘ri keldi.

2020-yilda juftlik o‘zining tanishuvining bir yilligini nishonladi. Hozirda Reum Perisning Instagram sahifasida tez-tez ko‘rinish berayotganiga qarab ularda hammasi yaxshi degan fikrga kelish mumkin.