Instagram: Halimani qo‘llab-quvvatlayotgan san’atkorlar, Luiza Rasulova Davron Kabulovni “o‘ldirmoqchi”, “Million”ni ogohlantirgan Ahad Qayum

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.

Farzand kutayotgan Shahzoda Matchonova folloverlaridan yaxshi mini-seriallar tavsiya qilishni so‘radi.

Lola kichik qizi Aishaning suratini sahifasiga joyladi.

Nargiza Salmonova Istanbulga qor yog‘ganidan quvonmoqda.

Burak O‘zchivit o‘zi hamkorlik qilayotgan brendning yangi fotosessiyasida suratga tushdi.

Samandar Hamroqulov va Ma’mur Xolmedov yangi hajviy ko‘rsatuvda hamkorlik qiladi.

Ahad Qayum “Million” kulgi jamoasini konsertda uning ismidan foydalanmaslik haqida ogohlantirdi.

15-fevral kuni O‘zbekistonda xizmat ko‘rsatgan artist Ra’no Yarasheva 60 yoshni qarshi oldi. Aktrisa ushbu sanani hamkasblari va yaqinlari davrasida nishonladi.

“Mendirman Jaloliddin” seriali jamoasi poytaxtdagi restoranlardan birida ko‘rinish berdi.

“Elchining qizi” serialining sahifasiga suratga olish jarayoni aks etgan surat joylandi.

O‘zbek shou-biznesi vakillari Ahad Qayum va Halima Ibragimova o‘rtasidagi janjaldan so‘ng Halima Ibragimovani qo‘llab-quvvatlamoqda. Komik aktrisa Instagram orqali jonli efirga chiqib, folloverlariga janjal tafsilotlarini so‘zlab berdi. Ma’lum bo‘lishicha, ularning o‘rtasidagi kelishmovchilik TikTok’da boshlangan. Ahad Qayum Halima Ibragimova restoranda o‘tirgan paytda uning yoniga kelib, ijtimoiy tarmoqda boshlangan tortishuvni davom ettirgan. Halima Ibragimovaning jonli efirida ko‘plab shou-biznes vakillari, jumladan, Yulduz Turdiyeva, “Dizayn” kulgi jamoasi vakillari, Munisa Rizayeva uni qo‘llab-quvvatlashini bildirgan. Xususan, Yulduz Turdiyeva Halima Ibragimovadan “Buxorolik hamkasbim nomidan uzr so‘rayman” deb yozgan. Halima Ibragimova esa ushbu janjalga buxoroliklarning umuman aloqasi yo‘qligini aytgan.

Fahriye Evjen turmush o‘rtog‘i Burak O‘zchivit bilan tushgan yangi suratini folloverlari bilan bo‘lishdi.

Mavluda Asalxo‘jayeva hamkasb dugonalari bilan.

Luiza Rasulova “Million” kulgi jamoasi sardori Davron Kabulovni “o‘ldirishga kelgani” haqida hazil video bilan bo‘lishdi.