Rossiyalik reper Morgenshtern 14-fevral kuni sevgan qizi Dilara Zinatullinaga narxi 13 ming dollarni tashkil qiladigan soat tuhfa qildi. Bu haqda People Talk xabar berdi.
Morgenshternning “Cristal & МОЁТ” nomli qo‘shig‘i klipida chiqib ulgurgan Dilara u bilan barcha tadbir va ziyofatlarga birgalikda tashrif buyuradi. Sevgisini izhor qilish uchun xonanda Shveysariyaning Patek Philippe brendidan qimmatbaho soat sovg‘a qilishni lozim topgan.
Asl ismi Alisher bo‘lgan reper sevgilisi bilan 2017-yilda ziyofatlardan birida tanishgan. Birgalikdagi ilk surati bilan Instagram sahifasida bo‘lishgan juftlik ko‘p o‘tmay munosabatlariga nuqta qo‘ygani haqida xabar tarqalgan. Ammo biroz muddatdan keyin topishib olgan juftlik vaqtini birga o‘tkaza boshlagan va Yegor Kridning tug‘ilgan kuniga ham birgalikda tashrif buyurgan.
Eslatib o‘tamiz, Morgenshtern Instagram sahifasi orqali tanlov o‘tkazganida o‘zbekistonlik ishtirokchi g‘olib bo‘lgan. Shundan keyin reper Buxoroga tashrif buyurib, Mercedes avtomobilini buxorolik Azim Abdullayevga tantanali tarzda topshirgan.
Mavzuga doir:
- Rossiyalik reper Morgenshtern buxorolik Azim Abdullayevga Mercedes’ini topshirish uchun O‘zbekistonga keldi (video)
- “‘Rastamojka’ mashina narxidek ekan”. Rossiyalik reper o‘z Mercedes’ini buxorolik yigitga sovg‘a qilish uchun O‘zbekistonga kelmoqchi
- Rossiyalik reper Morgenshtern buxorolik yigitga sovg‘a qilgan Mercedes’ni O‘zbekistonga olib kirishi uchun qancha bojxona boji to‘lashi hisoblab chiqildi
Izoh (0)