Перис Ҳилтон 40 ёшини нишонламоқда. Ҳанузгача шахсий ҳаётини тартибга солмаган юлдуз ҳақида нималар маълум?
Болалик ва зўравонлик
Перис Ҳилтон 1981 йил 17 февралда Нью-Йоркда туғилган. Болалигида у оиласи билан турли шаҳарларда ва Манхэттеннинг «Waldorf-Astoria» меҳмонхонасида яшаган. Меҳмонхоналар тармоғининг эгаси Беррон Ҳилтоннинг тўнғич набираси том маънода ҳамма имкониятига эга эди.
Перис унчалик ҳам ўқишни хоҳламас эди, шунинг учун ҳам бир неча мактабдан ҳайдаб юборилган. 16-17 ёшларидаёқ уйидан қочиб зиёфатларга борганидан сўнг унинг ота-онаси қизини Юта шаҳридаги «Прово-Канён» хусусий мактабига ўқишга берган. У мактабга эмас, кўпроқ колонияга ўхшар эди. Перис у ерда бир йил яшаши мобайнида қочишга бир неча бор уринди. У 18 ёшга тўлганидагина ота-онаси уйга қайтишга рухсат берди. Аммо ўтган вақт унинг қалбида чуқур из қолдирган эди, чунки у буни зўравонлик деб билар эди.
Катта дунёга қадам
19 ёшида Перис моделлик карьерасини бошлашга қарор қилган. Кейинчалик ижтимоий тадбирларда кўрина бошлаган, орадан икки йил ўтиб, жамиятнинг юқори қатлами ўртасида муваффақият қозонган аёл унвонига сазовор бўлган.
2003 йил Перис «Оддий ҳаёт» сериалида рол ўйнади, бундан ташқари, унинг яна бир нечта образлари ҳам мавжуд, аммо бадавлат меросхўрнинг кино оламидаги карьерасида кутилганидек натижага бўлмаган. Худди шу ҳолат мусиқа соҳасида ҳам юз берди. У биргина альбом чиқариш билан чекланган, холос. Автобиография, парфюмерия, реклама – у нималар қилган бўлса ҳам, ижтимоий фойдали иш билан шуғулланадиган одам эмас, балки кибор хоним, деб ҳисобланаверди.
2007 йил Беррон Ҳилтон отасининг изидан боришга ва бойлигининг 97 фоизини «Conrad N. Hilton Foundation» номидаги фондга қолдиришга қарор қилганини маълум қилди. Бу қарор аввалданоқ маълум бўлиб, Перис, унинг сингил ва укалари ҳам Ҳилтон империяси меросини қўлга киритмаслигини англатар эди. Беррон вафот этганидан сўнг ҳаммаси у айтгандек бўлди.
Шахсий ҳаёт
Периснинг шахсий ҳаёти ҳар доим қизғин муҳокамаларга сабаб бўлган. Бу каби кибор аёлни ким танлагани ҳамма учун қизиқ эди. 2000 йилда Рик Соломон билан Перис ўртасидаги ишқий муносабатлар жанжалга сабаб бўлган. Перис Памела Андерсоннинг собиқ турмуш ўртоғига қарши судга мурожаат қилди, аммо бундан ҳеч қандай иш чиқмаган.
Кейинчалик унинг уч марта унаштируви ҳам тўйгача етиб бормади. Мусиқачи Жейсон Шо, продусер Парис Лацис, актёр Кирис Зилка – уларнинг ҳеч бири Перис билан никоҳдан ўтишгача журъат қилмаган. Барча дугоналари турмушга чиқиб, фарзандли бўлганида ҳам Перис доимгидек кибор хоним бўлиб қолаверди.
Ва ниҳоят бахт
2019 йилга келиб Перис Хилтон ва ишбилармон Картер Заум ораларида ишқий муносабатлар бошланган. Буни ўтмишдаги муваффақиятсизликлар туфайлидир балки, у бир неча ой давомида, токи Зеум оиласи даврасида у билан тушган суратни ўз саҳифасига жойлаштиргунига қадар сир тутди. Сурат шу қадар шов-шув бўлганидан Зеум суратни ўчириб, ижтимоий тармоқдан чиқиб кетишига тўғри келди.
2020 йилда жуфтлик ўзининг танишувининг бир йиллигини нишонлади. Ҳозирда Реум Периснинг Instagram саҳифасида тез-тез кўриниш бераётганига қараб уларда ҳаммаси яхши деган фикрга келиш мумкин.
Мавзуга доир:
Изоҳ (0)