Myunxengladbaxning “Borussiya” klubi ustozi Marko Roze 2021-yilning yozida “Borussiya D” bosh murabbiyiga aylanadi.
Myunxengladbaxliklar matbuot xizmati mutaxassis mavsum yakunida jamoani tark etishini ma’lum qildi.
Dortmundliklar klubi 2020-yilning dekabrida Lyusyen Favrni iste’foga chiqargandi. Shundan buyon jamoani Edin Terzich vaqtinchalik boshqarib turibdi. Ayni damda klub Bundesligada 6-o‘rinda bormoqda.
Roze “Borussiya M” boshqaruvida 2019-yildan buyon ishlab kelmoqda. 2019/20-yilgi mavsumda uning qo‘l ostidagi jamoa Germaniya chempionatida 4-o‘rinni oldi. Hozirda esa 7-pog‘onada bormoqda. Shuningdek, Roze boshqaruvidagi “Borussiya M” Chempionlar Ligasi 1/8 finaliga ham yo‘l olgan va unda “Manchester Siti”ga qarshi bahs olib boradi.
Mutaxassis avvalroq “Zalsburg” jamoasini boshqargan va “buqalar”ni ikki marta Avstriya chempioniga aylantirgan. Shuningdek, u “Zalsburg” yoshlar jamoasi bilan UEFA yoshlar Ligasida g‘olib chiqqan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)