Yaponiyada sodir bo‘lgan yer silkinishi oqibatida jabrlanganlar soni 150 kishiga yetdi, 950 mingga yaqin uy xo‘jaliklari elektr quvvatisiz qoldi. 7,3 magnitudali zilzila mamlakat shimoli-sharqiga ta’sir ko‘rsatdi. U, shuningdek, poytaxt Tokioda ham sezildi. Keyinroq kichikroq ko‘lamdagi bir nechta aftershoklar qayd etildi.
Vayronalar tufayli ayrim yo‘llar to‘sib qo‘yildi, tezyurar poyezdlar harakati buzildi. “Fukusima-2” AESda ishlatilgan yadro yoqilg‘isini saqlash uchun hovuzlardan radioaktiv suvning bir qismi to‘kilgan. Hukumat ma’lumotlariga ko‘ra, bu yadro yoqilg‘isini sovutish ishiga ta’sir qilmagan. “RBK” mamlakatdagi zilzila oqibatlari aks etgan suratlarni taqdim etdi.
Fukusima prefekturasining Nihonmatsu shahridagi halqa yo‘lida sodir bo‘lgan ko‘chki.
Fukusima prefekturasida kuchli zilzila oqibatida vayron bo‘lgan devor.
Fukusima prefekturasining Soma shahrida avj olgan COVID-19’dan so‘ng ijtimoiy masofalanish uchun to‘siqlar o‘rnatilgan vaqtinchalik evakuatsiya markazi.
Fukusimaning Koori shahridagi singan darvoza.
Ayol o‘z do‘konidagi singan idishlarni yig‘ishtirmoqda.
Zilzila oqibatida yorilgan avtomobil yo‘li.
Kuchli zilzila oqibatida yuzaga kelgan ko‘chki Fukusima prefekturasining Soma shahridagi Joban tezyurar avtomobil yo‘lini to‘sib qo‘ydi.
Kutubxonalarning biridagi zilzila oqibatlari.
Fukusima prefekturasining Soma shahridagi yer silkinishi oqibatida zarar ko‘rgan bino.
Ishchi vino do‘konida singan butilkalarni yig‘ishtirmoqda.
Fukusima prefekturasining Ivaki ko‘chasida kuchli zilzila oqibatida binoning ko‘chib tushgan tashqi devori.
Seysmologlar ogohlantirishicha, yaqin haftalar ichida qaytadan kuchli yerosti silkinishlari sodir bo‘lishi mumkin. Yaponiya bosh vaziri Yosixide Suga mamlakat fuqarolariga uyda qolishni tavsiya qildi.
Izoh (0)