Maryam Uzerli farzandining otasi suratini ko‘rsatdi, “Sadoqatsiz” seriali aktrisasi ona bo‘ldi. Turk kinosi yangiliklari

Turk kinosanoatidagi eng so‘nggi xabarlarni e’tiboringizga havola etishda davom etamiz.

Efejan Shenolsunning 2,5 yildan buyon davom etayotgan sud jarayoni o‘z yakuniga yetdi. Aktyor suratga olish jarayonida hamkasbi Eli Ishjanga shilqimlik qilishda ayblangandi. Dalillar yetarli bo‘lmagani sabab aktyor aybsiz deb topilgan. Opasi Melisa va do‘stlari uni qo‘llab-quvvatlash uchun sudga tashrif buyurgan.

Turk matbuotida Maryam Uzerli uzoq vaqtdan beri kim ekanini sir tutayotgan farzandining otasi surati e’lon qilindi.

Ofisdan chiqaverishda muxbirlar qurshovida qolgan O‘zjan Deniz sobiq rafiqasi Feyza Aktan bilan o‘rtalaridagi mojaroga izoh berishni xohlamagan va shunchaki tez orada hamma faktlar oshkor bo‘lishini bildirgan.

Posta nashrining ma’lum qilishicha, Demet O‘zdemir va O‘guzxon Koch birga yashashga qaror qilgan.

Burak Deniz “Marashlik” serialida birga suratga tushayotgan hamkasbi Alina Boz bilan ishlash haqidagi taassurotlari bilan o‘rtoqlashdi. Aktyor bu Alina bilan birga ishtirok etayotgan ilk loyihasi ekani va suratga olish jarayoni bir-birini yaqinroq tanish imkonini berganini ta’kidlagan. Shuningdek, aktrisa serialdagi qahramonga mos ekani va energiyasi uni ilhomlantirayotganini qo‘shimcha qilgan.

Italiya matbuotida Jan Yaman va Diletta Leottaning shaxsiy munosabatlari muhokamasi to‘xtamayotgan bir vaqtda Jan “Sandokan” serialida bosh qahramon rolini ijro qilish uchun tayyorgarlik ishlarini boshlab yuborgan. Ma’lumotlarga qaraganda serialdagi tryuklarni ham aktyorning o‘zi bajaradi.

“Sadoqatsiz” seriali yulduzi O‘zge Ozder ilk marta ona bo‘ldi. Aktrisa qiziga Luna deb ism qo‘ygan.

Star TV kanalida efirga uzatilayotgan “Mening chap tarafim” seriali past reytingni qayd qilgani sabab loyiha 13-qismda yakuniga yetadi.

“Eshigimni qoq” seriali undagi ayrim sahnalar sabab RTÜK tomonidan jarimaga tortildi.