Inson bir-birini tushunsa, hurmat qilsa va hayotining yaxshi-yomon kunida birga bo‘lishiga ko‘zi yetsa yoshning ahamiyati yo‘q. Quyida nomi keltirilgan turk yulduzlari ham shunday fikrda ekaniga shubha yo‘q.
Neslihan Atagul va Kadir Dog‘ulu
Neslihan va Kadir “Ishq sohillari” serialida suratga tushish jarayonida bir-biriga ko‘ngil qo‘ygan. O‘zbek muxlislariga “Sevgi iztirobi” va “Elchining qizi” serialidagi roli bilan yaxshi tanish bo‘lgan aktrisa o‘zidan 10 yosh katta Kadirga turmushga chiqqan.
Avvalroq 28 yashar Neslihan salomatligidagi muammo sabab “Elchining qizi” serialini tark etgani va uning o‘rniga Tuba Buyukustun loyihaga kelib qo‘shilgani haqida xabar berilgandi.
Kenan Imirzalog‘lu va Sinem Kobal
Uzoq vaqt davomida Turkiyaning eng kelishgan bo‘ydoq aktyorlaridan biri hisoblangan Kenanning qalbini o‘zidan 13 yosh kichik Sinem zabt etgan. Juftlik 2016-yilda munosabatlarini nikox bilan mustahkamlagan. 46 yashar aktyor “Ezel”, “Achchiq hayot” va boshqa bir qancha seriallardagi ijrosi bilan yaxshi tanish. 2020-yilning kuz faslida farzandli bo‘lgan Sinem ayni vaqtda farzand tarbiyasi bilan band.
Xalit Ergench va Berguzar Korel
Turkiyaning eng mashhur juftliklaridan birining yoshi o‘rtasida ham katta tafovut bor. 2020-yilda 50 yoshga to‘lgan aktyorning rafiqasi o‘zidan 12 yosh kichik. “Muhtasham yuz yil”dan tashqari, “1001 kecha” va “Vatanim sensan” seriallarida birga suratga tushgan juftlikning bugungi kunda ikki nafar o‘g‘il farzandi bor.
Xazal Kaya va Ali Atay
