Munosabatlarni nikoh bilan bog‘lash juda ham muhim qadam hisoblanadi. Bunga qaror qilgan juftliklar baxtli hayot kechirishi yoki keyinchalik pushaymon bo‘lishi ham mumkin. Buni esa vaqt ko‘rsatadi.
Sofiya Bush va Chad Maykl Myurrey
Sofiyaning hamkasbi Chadga turmushga chiqishi muxlislarini ajablantirgan. Avvaliga birga suratga tushgan va sevishganlar rolini ijro qilgan juftlikning hayotda bunday munosabatda bo‘lishi kutilmagan hol bo‘lgan. Sofiya turmush qurgan vaqti 22, Chad esa 23 yoshda bo‘lgan. Ammo ularning turmushi uzoqqa bormagan. Shundan keyin Myurrey Peris Xilton bilan xiyonat qilgan, degan mish-mish tarqagan. Bushning o‘zi esa buni inkor qilib, hammasiga yosh va tajribasizliklari sabab bo‘lganini aytgan.
Mayli Sayrus va Liam Xemsvort
Mayli va Liam bir necha yildan buyon uchrashib yurgani sabab ularning turmush qurishi hech kim uchun yangilik bo‘lmagan. Ammo nikoh bilan bog‘langan munosabatlar uzoqqa bormagan. Xemsvort bilan 7 oydan keyin ajrashgan Sayrus uni hamisha sevishi va hurmat qilishdan to‘xtamasligini ta’kidlagan.
Rassel Brend va Keti Perri
Tushunmovchiliklar ko‘p bo‘lishiga qaramay, yulduzli juftlik birga kechirgan yillaridan afsuslanmaydi. Ma’lum bo‘lishicha, turmush qurgan juftlik Brendning tashabbusi bilan ajrashgan. Shunga qaramasdan, aktyor sobiq rafiqasini hurmat bilan eslaydi va uni ajoyib ayol deb hisoblaydi.
Dryu Berrimor va Jeremi Tomas
Yosh bo‘lishiga qaramay, mashhurlikka erishgan Dryu 19 yoshida Jeremi Tomasga turmushga chiqqan. Ammo ular turmush qurganidan keyin juda qisqa vaqt birga yashagan. Berrimor va Tomas bor-yo‘g‘i 6 hafta birga yashagan. Keyin esa qarorlari xato bo‘lganini tushunib yetgan.
Bredli Kuper va Jennifer Espozito
Bredli 2007-yilda Jenniferga uylangan. Turmush qurgunicha bir necha hafta davomida uchrashib yurgan, oila qurganidan keyin esa bir necha hafta birga yashagan. 2014-yilda Jennifer Bredlining hazilkashligi va fe’l-atvori uni o‘ziga mubtalo etganini, ammo keyinchalik “ko‘zi ko‘r” bo‘lganini tushunib yetganini ma’lum qilgan.
Jonni Depp va Ember Xyord
Juftlikning ajrashish jarayoni turmush qurib birga yashaganidan ham ko‘proq cho‘zilayotgani hech kimga sir emas. 2009-yilda suratga olish maydonchasida tanishgan juftlik 2012-yildan ko‘risha boshlagan. Oradan ikki yil o‘tib turmush qurgan mashhurlarning turmushi 1 yil davom etgan, xolos. Ember Jonnini zo‘ravonlikda ayblab, sudga bergan. Shundan keyin ahvol yanada yomonlashgan.
Nikolas Keyj va Erika Koyke
To‘rt marotaba turmush qurgan Nikolas faqatgina bir marta bu qaroridan qattiq afsuslangan. 2009-yilda Los-Anjelesda Erikaga uylangan va atigi 4 kun birga yashagan. Shundan keyin aktyor aslida uylanish niyati bo‘lmagani va bu qilgan ishidan afsuslanganini bildirgan.
Izoh (0)