Futbol bo‘yicha BAA chempionatining 16-turidan o‘rin olgan ikki o‘yin 13-fevral, shanba kuni bo‘lib o‘tdi.
Otabek Shukurovning “Sharja”si o‘z uyida “Al-Ayn”ni qabul qildi. Avvaliga sharjaliklar Kayoning golidan keyin oldinga o‘tib oldi. Biroq qolgan vaqt davomida mehmonlar ikkita to‘p kiritgan holda g‘alabani ilib ketdi.
Mazkur o‘yinda o‘zbekistonlik yarim himoyachi to‘liq harakat qildi. “Sharja” 36 ochko bilan peshqadamlikni saqlab turibdi.
Doston Hamdamovning yangi jamoasi — “Hatta” o‘z maydonida “Ajman”ga qarshi bahs yuritdi va yirik hisobdagi g‘alabani qo‘lga kiritdi. Doston bu o‘yinda asosiy tarkibda maydoniga tushib, 83-daqiqada zaxiraga olindi.
Bu “Hatta” uchun joriy mavsumdagi ilk g‘alaba bo‘ldi. Jamoa 6 ochko bilan so‘nggi o‘rinda bormoqda.
Eslatib o‘tamiz, Hamdamov yanvar oyida “Paxtakor”dan BAAning “An-Nasr” klubiga o‘tgandi. Dubayliklar klubi uni “Hatta”ga ijaraga berib yubordi.
BAA Pro-Ligasi
16-tur bahslari
13-fevral, shanba
“Sharja” — “Al-Ayn” 1:2
Gollar: 1:0 – 20 Kayo, 1:1 – 45+2 Yahyo Nader, 1:2 – 72 Kodjo Laba.“Hatta” — “Ajman” 3:0
Gollar: 1:0 – 53 Jonatas, 2:0 – 82 Jonatas, 3:0 – 90+5 Malalla.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)