Футбол бўйича БАА чемпионатининг 16-туридан ўрин олган икки ўйин 13 февраль, шанба куни бўлиб ўтди.
Отабек Шукуровнинг «Шаржа»си ўз уйида «Ал-Айн»ни қабул қилди. Аввалига шаржаликлар Кайонинг голидан кейин олдинга ўтиб олди. Бироқ қолган вақт давомида меҳмонлар иккита тўп киритган ҳолда ғалабани илиб кетди.
Мазкур ўйинда ўзбекистонлик ярим ҳимоячи тўлиқ ҳаракат қилди. «Шаржа» 36 очко билан пешқадамликни сақлаб турибди.
Достон Ҳамдамовнинг янги жамоаси — «Ҳатта» ўз майдонида «Ажман»га қарши баҳс юритди ва йирик ҳисобдаги ғалабани қўлга киритди. Достон бу ўйинда асосий таркибда майдонига тушиб, 83-дақиқада захирага олинди.
Бу «Ҳатта» учун жорий мавсумдаги илк ғалаба бўлди. Жамоа 6 очко билан сўнгги ўринда бормоқда.
Эслатиб ўтамиз, Ҳамдамов январь ойида «Пахтакор»дан БААнинг «Ан-Наср» клубига ўтганди. Дубайликлар клуби уни «Ҳатта»га ижарага бериб юборди.
БАА Про-Лигаси
16-тур баҳслари
13 февраль, шанба
«Шаржа» — «Ал-Айн» 1:2
Голлар: 1:0 – 20 Кайо, 1:1 – 45+2 Яҳё Надер, 1:2 – 72 Коджо Лаба.«Ҳатта» — «Ажман» 3:0
Голлар: 1:0 – 53 Жонатас, 2:0 – 82 Жонатас, 3:0 – 90+5 Малалла.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)