Futbol bo‘yicha Germaniya Bundesligasining 21-turidan o‘rin olgan bir qator uchrashuvlar 13-fevral, shanba kuni bo‘lib o‘tdi.
“Borussiya D” jamoasi o‘z uyida “Hoffenhaym”ni qabul qildi. Uchrashuvning 24-daqiqasida mezbonlar Jeydon Sanchoning golidan keyin hisobni ochdi. “Hoffenhaym” ko‘p o‘tmay bunga Moanes Dabburning goli bilan javob qaytardi.
Ikkinchi bo‘limning boshida mehmon jamoa oldinga chiqib oldi, biroq Erling Holandning 81-daqiqadagi goli dortmundliklarni mag‘lubiyatdan qutqarib qoldi.
21-turdan o‘rin olgan yana bir bahs “Bayer” va “Mayns” o‘rtasida kechdi. Uchrashuvda ikkita to‘p farqi bilan oldinda borayotgan leverkuzenliklar 89 va 90+2-daqiqalarda gol o‘tkazib, g‘alabani qo‘ldan chiqardi.
“Borussiya D” 33 ochko bilan 6-o‘rinda bormoqda, “Bayer” (36) esa 4-pog‘onadan joy olgan.
Bundesliga
21-tur bahslari
13-fevral, shanba
“Borussiya D”—“Hoffenhaym” 2:2
Gollar: 1:0 – 24 Sancho, 1:1 – 31 Dabbur, 1:2 – 51 Bebu, 2:2 – 81 Holand.“Borussiya D”: Hits, Hummels, Akanji, Gerreyru, Dileyni (Daud, 59), Brandt (Mukoko, 60), Sancho, Reyna (Roys, 59), Bellinghem (Shults, 71), Jan, Holand.
“Hoffenhaym”: Baumann, Fogt, Kaderjabek (Gachinovich, 64), Posh, Grillich, Rudi, Samasseku, Baumgartner, Yon, Dabbur (Skov, 88), Bebu.
Ogohlantirishlar: Dileyni (22), Rudi (26), Grillich (57), Fogt (59), Posh (60), Samasseku (65), Akanji (67), Daud (81), Dabbur (85), Gachinovich (90).
“Bayer”—“Mayns” 2:2
Gollar: 1:0 – 14 Alario, 2:0 – 84 Shik, 2:1 – 89 Glatsel, 2:2 – 90+2 Shteger.“Shtutgart” — “Herta” 1:1
Gollar: 1:0 – 45 Kalayjich, 1:1 – 82 Nets.“Verder” — “Frayburg” 0:0
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)