Amerikaning Nyu-Jersi shtati, Nyuark shahrida yashovchi keksa ayol kuchli qor yog‘ganidan keyin mashinasi ichidan chiqa olmagan. Bu haqda WNYW xabar beradi.
Ma’lum qilinishicha, shahardagi bog‘lardan birida Honda miniveni qor bilan qoplanganiga guvoh bo‘lgan yong‘in o‘chiruvchilari undan 77 yoshli Janet Vudni chiqarib olgan. Ayolning besh kun davomida mashinada qolib ketgani ma’lum bo‘lgan, shunga qaramay, unga tibbiy yordamning keragi bo‘lmagan.
Amerikalik ayol bo‘rondan keyin Nyuarkda 30 santimetrlik qor yog‘gan vaqti mashina ichida qolib ketgan. Vudning turar joyi yo‘qligi sabab mashinasining ichida, haddan ortiq sovuq kunlarda esa mehmonxonada tunashiga to‘g‘ri keladi, deyiladi xabarda.
Mavzuga doir:
- Foto: Qor bosgan mashinalarni anime-transformerlarga aylantirgan yaponlar
- Amerikada mashinasi bilan 10 soatdan ortiq qor ostida qolib ketgan haydovchi qutqarildi
- Amerikadagi shaharcha bir kechada qorga burkandi. Aholi ijtimoiy tarmoqlarga uylaridan chiqishga urinayotgani tasvirlangan suratlarni joylashtirmoqda
Izoh (0)