Америкалик аёл танаси «юракча»лар билан қопланган мушукни боқиб олди

Мушугидан айрилганидан кейин соғинч азобига чидай олмаган америкалик аёл, ака-ука мушукларни боқиб олди. Бу ҳақда Meduza хабар берди.

Кети Дуда ва унинг фарзандлари мушуги Лаки вафотидан кейин уни жуда ҳам соғинган. Кети жудоликни енгишга ёрдам беради деган мақсадда ҳайвонлар бошпанасидан иккита мушук Ривер ва унинг укаси Ремини уйига олиб келган.

Аёл ҳайвонларнинг ташқи кўринишига эътибор бермаган, унинг ягона истаги тезроқ уйига олиб бориб фарзандлари билан таништириш бўлган.

https://www.instagram.com/p/CKpdkumpijW/?utm_source=ig_embed

Мушукнинг янги эгаларга кўникиши қийин бўлган, у «уялганича» уйнинг бурчакларига беркиниб олган. Уй бекаси мушук билан тил топишишга муваффақ бўлганидан кейин эса улар дўстлашиб олган. Шундан кейин Дуда мушук танасининг кўкрак қисмида катта юрак шаклидаги қора доғ бор эканига аҳамият берган.

https://www.instagram.com/p/CKpdiDaJYfX/?utm_source=ig_embed

Вақт ўтиши билан аёл Ривернинг ён қисми, бўйни, панжасида ҳам юрак шаклидаги доғ бор эканини, ҳатто бурни ҳам шундай кўринишда эканига гувоҳ бўлган.

https://www.instagram.com/p/CKcPtpRMIrO/?utm_source=ig_embed

Дуданинг ҳисобига кўра, мушук танасида еттита шундай кўринишдаги, шунингдек, маълум ракурсдан қаралгандагина юрак шаклига ўхшатиш мумкин бўлган яна иккита доғ бор. Бу аёл ва фарзандларининг ҳайратланишига сабаб бўлган.