AQShda haydovchi yo‘l chetida dam olayotgan yo‘lbarsdan shikoyat qildi. Politsiya kelib, jonivorni bo‘limga olib ketdi

Amerikaning Merilend shtatidagi Rokvill shahri politsiyasiga I-270 yo‘lagida oq yo‘lbars o‘tirgani haqida xabar kelib tushgan. Voqea joyiga zudlik bilan yetib borgan politsiya yo‘lovchining yolg‘on gapirmagani, chindan ham yo‘lbars borligini aniqladi. Ammo xavotirlanishning keragi yo‘q, chunki yo‘lbars aslida haykal bo‘lib chiqdi, deb yozadi Meduza.

Politsiya haykalni qanday qilib va nima uchun yo‘lakda turganini aniqlay olmadi. Yana uni kim to‘siq ustiga qo‘ygani ham noma’lum. Qanday bo‘lmasin, voqeaning bunday tugashi hammasidan ko‘ra yaxshiroq edi. Shuning uchun ham tuman politsiyasi oq yo‘lbarsni bo‘limga “olib kirish” haqida xabar bergan. Shuningdek, u yo‘l transportlariga emas, balki piyodalarga xalaqit berishi mumkinligi hazil tariqasida aytib o‘tilgan.