Poco brendi vakillari Hindistonda sotuvga chiqqan Poco M3 smartfonlarining birinchi kuniga oid hisoboti bilan bo‘lishdi, deb xabar beradi IXBT. Ma’lum qilinishicha, savdolarning birinchi kunidayoq 150 ming dona smartfon sotilgan.
Akkumulyator sig‘imi 6000 mA/soatga teng va asosiy kamerasi 48 megapiksel bo‘lgan uchta kamerali qurilma Hindistonda haqiqiy muvaffaqiyatga erishgan.
1 year old and the biggest ever sale for POCO! #POCOM3 sold 1.5Lac phones in the debut sale. If you missed it, we have more coming in on the 16th (Next Tuesday) pic.twitter.com/lBIvjJz7WT
— Anuj Sharma (@s_anuj) February 10, 2021
Bundan tashqari, mamlakat bozori uchun chiqarilgan Poco M3’ning boshqa bonuslari ham bor. Boshqa davlatlarda sotiladigan modellardan farqli o‘laroq, qurilmaga 4 gigabayt tezkor xotira o‘rniga 6 gigabaytlisi o‘rnatilgan va narxi ham arzonroq: Hindistonda Poco M3 170 dollar bo‘lsa, Rossiyada uning narxi — 185 dollar.
Eslatib o‘tamiz, 2020-yilning noyabrida Xiaomi kompaniyasi noodatiy dizayn va katta sig‘imli akkumulyatorga ega hamyonbop smartfoni — Poco M3’ni taqdim etgani to‘g‘risida xabar berilgandi. Xitoydagi savdolar boshlanganidan yarim soat o‘tib, 70 mingdan ortiq smartfon sotib olingan edi.
Izoh (0)