Poco бренди вакиллари Ҳиндистонда сотувга чиққан Poco М3 смартфонларининг биринчи кунига оид ҳисоботи билан бўлишди, деб хабар беради IXBT. Маълум қилинишича, савдоларнинг биринчи кунидаёқ 150 минг дона смартфон сотилган.
Аккумулятор сиғими 6000 мА/соатга тенг ва асосий камераси 48 мегапиксел бўлган учта камерали қурилма Ҳиндистонда ҳақиқий муваффақиятга эришган.
1 year old and the biggest ever sale for POCO! #POCOM3 sold 1.5Lac phones in the debut sale. If you missed it, we have more coming in on the 16th (Next Tuesday) pic.twitter.com/lBIvjJz7WT
— Anuj Sharma (@s_anuj) February 10, 2021
Бундан ташқари, мамлакат бозори учун чиқарилган Poco М3’нинг бошқа бонуслари ҳам бор. Бошқа давлатларда сотиладиган моделлардан фарқли ўлароқ, қурилмага 4 гигабайт тезкор хотира ўрнига 6 гигабайтлиси ўрнатилган ва нархи ҳам арзонроқ: Ҳиндистонда Poco М3 170 доллар бўлса, Россияда унинг нархи — 185 доллар.
Эслатиб ўтамиз, 2020 йилнинг ноябрида Xiaomi компанияси ноодатий дизайн ва катта сиғимли аккумуляторга эга ҳамёнбоп смартфони — Poco М3’ни тақдим этгани тўғрисида хабар берилганди. Хитойдаги савдолар бошланганидан ярим соат ўтиб, 70 мингдан ортиқ смартфон сотиб олинган эди.
Изоҳ (0)