Uzbekistan Airways haftada ikki marta Toshkent–Nur-Sulton–Toshkent yo‘nalishida aviaqatnovlarni amalga oshirishni rejalashtirmoqda, deya xabar bermoqda Transport vazirligi.
Qayd etilishicha, O‘zbekiston va Qozog‘iston aviatsiya ma’muriyatlarining kelishuviga asosan 2021-yilning 15-fevralidan boshlab, Toshkent–Nur-Sulton–Toshkent yo‘nalishida muntazam aviaqatnovlar soni ikki davlatdagi epidemiologik vaziyatni hisobga olgan holda har bir tomondan haftasiga 1 tadan 2 tagacha ko‘paytiriladi.
Uzbekistan Airways tomonidan Toshkent–Nur-Sulton–Toshkent yo‘nalishida haftasiga 2 marotaba: seshanba va juma kunlari muntazam aviaqatnovlarni amalga oshirish rejalashtirilmoqda.
Shuningdek, mazkur yo‘nalishlarda Qozog‘istonning Air Astana aviakompaniyasi tomonidan ham parvozlar amalga oshirilishi kutilmoqda.
Bundan avval Eronning Iran Aseman Airlines aviakompaniyasi O‘zbekistonga muntazam aviaqatnovlarni yo‘lga qo‘ymoqchi ekani, Tojikiston va O‘zbekiston o‘rtasida muntazam aviaqatnovlar tiklangani hamda Misrning Fly Egypt aviakompaniyasi O‘zbekistonga doimiy reyslarni amalga oshirish uchun ruxsatnoma olgani haqida xabar berilgandi.
Izoh (0)