Saidjamol Sultonov Bektemir tumani hokimi etib tayinlandi, deb xabar bermoqda Toshkent shahar hokimligi matbuot xizmati.
Tayinlovga qadar u 2018-yildan buyon O‘zbekiston Savdo-sanoat palatasi Toshkent shahar hududiy boshqarmasi boshlig‘i bo‘lib ishlagan.
Bektemir tumani hokimi vazifasida ishlab kelgan Jahongir Ibrohimov 2021-yilning 15-yanvarida Yunusobod tumaniga hokim etib tayinlangandi. Shundan buyon ushbu lavozim vakant bo‘lib qolayotgandi.
Saidjamol Sultonov 1980-yilda Toshkent shahrida tug‘ilgan. 2002-yilda Toshkent Moliya institutini tamomlagan.
Avvalroq Shuhrat Abdurahmonovning sobiq birinchi o‘rinbosari Andijon tumaniga hokim etib tayinlangani, Farg‘ona viloyatining Bag‘dod, Yozyovon hamda O‘zbekiston tumani hokimlari o‘zgargani haqida xabar berilgan edi.
Izoh (0)